ताज्या बातम्या

आणखी वाढणार कांद्याच्या किंमती, महाराष्ट्रात पाऊस तर तुर्कीनं निर्यातीवर घातली बंदी

onion file photo

पोलीसनामा ऑनलाईन टीम – गेल्या चार महिन्यांपासून कांदा सामान्य ग्राहकांच्या डोळ्यात पाणी आणत आहे. प्रत्येकी १०० रुपये किलो किंमतीचे कांदे खरेदी करणे प्रत्येकाच्या खिशाला परवडण्याजोगे नाही. परदेशी कांद्याची आवक वाढल्यामुळे किंमती खाली येण्याची अपेक्षा होती, परंतु तुर्कीने कांद्याच्या निर्यातीवर बंदी घातल्याने ही अपेक्षाही फोल ठरली आहे.

महाराष्ट्रात पावसामुळे दरात वाढ होण्याची शक्यता :
तुर्की हे जगातील कांद्याचे प्रमुख उत्पादक आहे. दुसरीकडे, देशातील सर्वात मोठे कांदा उत्पादक राज्य असलेल्या महाराष्ट्रात अवकाळी पावसामुळे कांद्याच्या आगमनावर परिणाम होऊ शकतो, ज्यामुळे किंमतीत पुन्हा वाढ होण्याची शक्यता आहे. गुरुवारी राजधानी दिल्ली आणि आसपासच्या कांद्याची किरकोळ किंमत १००-१४० रुपये प्रतिकिलो होती. दरम्यान, केंद्रीय ग्राहक व्यवहार मंत्रालयाच्या वेबसाइटवर दिलेल्या किंमती यादीनुसार दिल्लीत कांद्याची किरकोळ किंमत प्रति किलो १०७ रुपये होती.

मंत्रालयाच्या वेबसाइटनुसार, गुरुवारी देशभरातील कांद्याची किरकोळ किंमत ४८-१५० रुपये प्रतिकिलो होती. मिळालेल्या माहितीनुसार, दिल्लीच्या आझादपूर मंडी कृषी उत्पन्न पणन समितीच्या एपीएमसीच्या दर यादीनुसार, गुरुवारी दिल्लीत कांद्याचे घाऊक दर २० ते ९५ रुपये होते, तर आवक १००-१४० टन होती. महाराष्ट्र, राजस्थान, हरियाणा, मध्य प्रदेश आणि गुजरात व्यतिरिक्त आझादपूर मंडईमध्ये परदेशी कांद्याची आवक झाली असून त्यामध्ये महाराष्ट्रातून येणारा कांदा ६२.५०-९५ रुपये होता.

आझादपूर मंडीचे व्यापारी आणि कांदा व्यापारी असोसिएशनचे अध्यक्ष राजेंद्र शर्मा म्हणाले की, महाराष्ट्रात झालेल्या अवकाळी पावसामुळे शेतकरी शेतातून कांदा काढू शकणार नाहीत, ज्यामुळे कांद्याच्या किमतींवर परिणाम होऊ आहे. तसेच, दुसर्‍या व्यावसायिकाने सांगितले की, तुर्कीने कांद्याच्या निर्यातीवर बंदी आणल्यामुळे परदेशी कांद्याची आवक कमी झाली असून येत्या काही दिवसांत या किंमतीत आणखी वाढ दिसून येणार आहे.

फेसबुक पेज लाईक करा – https://www.facebook.com/policenama/