उत्तर कोरिया : पुर्वीपासूनच ठरली होती ‘किम’ यांची वारसाची ‘भूमिका’, अघटित घडल्यावर त्याच करणार देशाचं ‘नेतृत्व’
नवी दिल्ली : वृत्तसंस्था – उत्तर कोरियाच्या हुकूमशहाच्या स्थितीबद्दल जगभरातील सट्टा बाजार गरम आहे. त्याचबरोबर किमनंतर त्याचा वारस कोण असणार याविषयी माध्यमांतूनही चर्चेला सुरुवात झाली आहे. मात्र आतापर्यंत किमच्या प्रकृतीविषयी अद्याप कुठल्याही बातमीची पुष्टी झालेली नाही. त्यांची परिस्थितीबाबत अमेरिकेचे राष्ट्राध्यक्ष डोनाल्ड ट्रम्प यांनीही त्यांना याबद्दल काहीही माहित नसल्याचे सांगितले आहे.
त्याच्या नंतर देशाच्या प्रमुखांच्या बाबतीत, किमच्या सर्वात जवळ त्यांची बहीण किम जोंग योन समजली जाते. ती केवळ पक्षातील दुसर्‍या क्रमांकाची नेता नाही तर ती किमच्या अगदी जवळ आहे. किमने स्वतः तिला ही जबाबदारी सोपवली आहे. अमेरिकेचे राष्ट्राध्यक्ष डोनाल्ड ट्रम्प यांच्यासमवेत झालेल्या शिखर बैठकीतही ती नेहमी उपस्थित राहिली आहे. ती ऑलिम्पिक स्पर्धेदरम्यान खेळांच्या रंगीबेरंगी कार्यक्रमाचा देखील एक भाग बनली होती.
दक्षिण कोरियाच्या राष्ट्राध्यक्षांच्या बैठकीत किमबरोबर योनच होती. अशात जर किमला काही झाले तरी देशाची सत्ता हाती घेण्यासाठी तिचे नाव निश्चितच सर्वात वर आहे. यानंतर किमच्या पत्नीचे नाव आहे. पण राजकीय मुद्द्यांवर त्यांचा हस्तक्षेप आतापर्यंत कमी दिसून आला आहे. याशिवाय चीन दौर्‍याव्यतिरिक्त शिखर परिषदेदरम्यान किमसोबत त्या कुठेही दिसल्या नाही.
एका वृत्तसंस्थेनुसार, किमने २१ एप्रिल रोजी क्युबाच्या राष्ट्राध्यक्षांना त्यांच्या वाढदिवशी अभिवादन पाठवले. याशिवाय किमने संपूर्ण जगभरात देशाचे नाव उंचावल्याचे सांगण्यात आले आहे. आंतरराष्ट्रीय मीडियामध्ये प्रसिद्ध झालेल्या काही बातम्यांचाही यात उल्लेख आहे. यात भारतीय माध्यमांचा देखील उल्लेख आहे. एका वृत्तसंस्थेनुसार, देशाचे नेतृत्व एका अनुभवी नेत्याच्या ताब्यात आहे जे दृढ इच्छाशक्ती, दृढ निश्चय आणि धैर्याने नेतृत्व करत पुढे जात आहे.
उत्तर कोरियाच्या बातमी एजन्सीमध्ये काही बदल जरूर दिसत असून यापूर्वी एजन्सीच्या वेबसाइटवर किम जोंग उनचे फोटो होते जे आता दिसत नाहीत. यामुळे या गोष्टी अधिक दृढ होत आहेत की त्यांची प्रकृती खराब आहे. किम आधीच त्यांच्या लठ्ठपणामुळे अनेक आजारांनी ग्रस्त आहे.
त्यांच्याशी संबंधित बातम्या बर्‍याच सांभाळून दिल्या जात आहेत. एका वृत्तसंस्थेनुसार, किमची प्रकृती खराब आहे. मात्र दक्षिण कोरियाच्या राष्ट्रपती भवनाच्या प्रवक्त्यांनी या वृत्तांचे खंडन केले आहे. त्यांच्या मते उत्तर कोरियाकडून किमची कोणतीही बातमी मोठी गोष्ट नाही. हे खूप सामान्य आहे. त्यांच्या मते हे प्रथमच घडलेले नाही. त्यांच्या मते किमच्या प्रकृतीविषयी कोणतीही पुष्टी करण्यात अर्थ नाही.