IMA चे माजी अध्यक्ष डॉ. के. के. अग्रवाल यांचे कोरोनाने निधन, व्हॅक्सीनचे घेतले होते दोन्ही डोस
नवी दिल्ली : वृत्त संस्था – हार्ट केयर फाउंडेशन ऑफ इंडियाचे प्रेसिडेंट आणि आयएमएचे (इंडियन मेडिकल असोसिएशन) माजी अध्यक्ष पद्मश्री डॉ. के. के. अग्रवाल यांचे सोमवारी रात्री 11.30 वाजता निधन झाले. डॉ. अग्रवाल यांना कोरोना संसर्गानंतर एम्सच्या आयसीयूमध्ये दाखल करण्यात आले होते.
के. के. अग्रवाल यांनी आपल्या ट्विटर अकाऊंटवर मागील 28 एप्रिलला माहिती दिली होती की, ते कोरोना संक्रमित आढळले आहेत. त्यांनी कोरोना व्हॅक्सीनचे दोन्ही डोस घेतले होते. मात्र कोरोना संक्रमित होऊनही ते लोकांमध्ये जागृती निर्माण करण्याचे काम करत होते.
याबाबत अधिकृत माहिती देताना सांगण्यात आले की, खुप दु:खाने सांगत आहोत की, डॉ. के. के. अग्रवाल यांचे 17 मे च्या रात्री 11.30 वाजता कोरोनाच्या दिर्घ लढाईनंतर निधन झाले. जेव्हापासून ते डॉक्टर झाले होते त्यांनी आपले जीवन लोकांसाठी आणि आरोग्य जागृततेसाठी समर्पित केले होते.
डॉ. के. के. अग्रवाल हार्ट केयर फाउंडेशनचे अध्यक्ष होते. यापूर्वी ते इंडियन मेडिकल असोसिएशनचे सुद्धा अध्यक्ष होते. 2010 मध्ये वैद्यकीय क्षेत्रातील त्यांच्या योगदानासाठी भारत सरकारने त्यांना पद्म श्री पुरस्काराने सन्मानित केले होते.
के. के. अग्रवाल यांनी 1979 मध्ये नागपुर युनिव्हर्सिटीतून एमबीबीएसचे शिक्षण पूर्ण केले. यानंतर त्यांनी याच विद्यापीठातून 1983 मध्ये एमएसची डिग्री मिळवली. त्यांनी पुरातन वैदिक औषधे आणि अधुनिक औषधांच्या संबंधाबाबत अनेक पुस्तके लिहिली आहेत. वैद्यकीय क्षेत्रात उल्लेखनीय योगदानासाठी अग्रवाल यांना डॉ. बी. सी. रॉय पुरस्काराने सुद्धा सन्मानित केले आहे.