पाकिस्तानचे पंतप्रधान इम्रान खान ‘कोरोना’ पॉझिटिव्ह, दोन दिवसांपूर्वीच घेतली होती चीनी लस
पोलीसनामा ऑनलाइन टीम – पाकिस्तानचे पंतप्रधान इम्रान खान कोरोनाच्या कचाट्यात सापडले आहेत. शनिवारी (20 मार्च) इम्रान खान कोरोना पॉझिटिव्ह आढळले. पंतप्रधानांचे स्पेशल असिस्टंट (आरोग्य सेवा व्यवहार) फैजल सुलतान यांनी ट्वीटद्वारे ही माहिती दिली. ते सध्या होम आयसोलेशनमध्ये आहेत.
"Pakistan PM Imran Khan (in file photo) tests positive for COVID-19 and is self isolating at home," tweets Special Assistant to the Prime Minister on National Health Services, Regulations & Coordination. pic.twitter.com/et9Q2nxuCi
— ANI (@ANI) March 20, 2021
दरम्यान, अलीकडेच इम्रान खान यांनी लसीचा एक डोस घेतला होता. इम्रान खानने Sinovac आणि Sinopharm या चिनी लसीचे डोस घेतले होते. लस दिल्यानंतरही इमरान कोरोना पॉझिटिव्ह असल्याचे आढळले. असे सांगितले जात आहे की पंतप्रधान इम्रान कोरोना पॉझिटिव्ह आढळ्यानंतर त्यांचे सर्व कर्मचारी आणि त्यांची भेट घेणार्या लोकांचीही चाचणी सुरू आहे. मिळालेल्या माहितीनुसार इम्रानमध्ये कोरोनाची गंभीर लक्षणे नाहीत.
गुरुवारीच इम्रान खानने कोविड -19 लस घेतली होती. पीएमओने ट्विट करून ही माहिती दिली. ही लस मिळाल्यानंतर त्यांनी देशातील लोकांना साथीच्या रुग्णांमध्ये होणारी वाढ थांबविण्यासाठी नियमांचे पालन करण्याचे आवाहन केले.