PAKचे माजी PM नवाज शरीफ यांची मुलगी मरियम नवाजला अटक

लाहोर :वृत्तसंस्था – पाकिस्तानचे माजी पंतप्रधान नवाझ शरीफ यांची मुलगी मरियम नवाज यांना गुरुवारी तुरूंगात वडिलांना भेटायला आले असताना पैशाच्या घोटाळ्याप्रकरणी अटक करण्यात आली. राष्ट्रीय उत्तरदायित्वा कोर्टाने पाकिस्तान मुस्लिम लीग नवाज (पीएमएल-एन) ची उपाध्यक्ष असलेल्या ४५ वर्षीय मरीमला लाहोरच्या कोट लखपत तुरूंगातून अटक केली.

राष्ट्रीय उत्तरदायित्व ब्युरो (एनएबी) च्या एका अधिकाऱ्याने सांगितले की, “आम्ही चौधरी साखर कारखान्यात मरीम नवाज यांना उत्पन्नाच्या ज्ञात स्त्रोतांपेक्षा अधिक मालमत्ता ठेवल्याबद्दल अटक केली आहे.” मरियम यांना एनएबी मुख्यालय हलविण्यात आले आहे.

चौधरी साखर कारखाना प्रकरणी मरियम यांना आज एन.ए.बी.समोर हजर होण्यासाठी नोटीस पाठविण्यात आली होती. तथापि, मरियमने या नोटीसकडे दुर्लक्ष केले आणि मरियम एनएबीकडे हजर होण्याऐवजी तुरूंगात तिच्या वडिलांना भेटायला गेली. वृत्तानुसार, मरियमला वडिलांना भेट दिली असता लाहोरच्या कोट लखपत कारागृह बाहेर एनएबीने त्यांना अटक केली होती. मरियमचे वडील नवाज शरीफ हे गेल्या अनेक महिन्यांपासून कोट लखपत तुरूंगात होते.

आरोग्यविषयक वृत्त