Corona Vaccination: लस घेतली नाही तर सिमकार्ड होणार Block, ‘या’ देशातील सरकारने घेतला अजब निर्णय

On Jun 14, 2021

pakistan news | If vaccine is not taken sim card will be blocked

Vaccination-SimCard

इस्लामाबाद : वृत्तसंस्था – गेल्या दीड वर्षापासून जगभरात कोरोनाने (Coronavirus) थैमान घातले आहे. कोरोनाची साखळी तोडण्यासाठी अनेक देशात लसीकरण (Vaccination) मोहीम जोरात सुरु आहे. जगातील काही देशांनी लसीकरण अन् कोरोना नियमांचे काटेकोर पालन करून कोरोनावर यश मिळवले आहे. मात्र, काही देशाच्या लोकांमध्ये लसीबाबत गैरसमज, संभ्रम निर्माण झाला आहे. नागरिक अद्यापही लस घ्यायला तयार नाहीत. शेजारी राष्ट्र पाकिस्तानातही (Pakistan) लसीकरणाला (Vaccination) म्हणावा तसा प्रतिसाद मिळत नाही. त्यामुळे पाक सरकारकडून दबाव तंत्राचा वापर केला जात आहे. लस (Vaccine) घेतली नाही तर सिमकार्ड बंद (Sim Card Block) करण्याचा अजब निर्णय पाक सरकारने घेतला आहे. सध्या तरी हा निर्णय पाकिस्तानमधील पंजाब (Punjab) प्रांतासाठी मर्यादित आहे.

Join our WhatsApp Group, Telegram, facebook page and Twitter for every update

पाकिस्तानमध्ये कोरोनाचा संसर्ग झपाट्याने वाढत आहे. दररोज हजारो लोक मृत्युमुखी पडत आहेत. तसेच नव्या बाधितांची संख्याही काही हजारोंच्या घरात आहे. तरीही या देशातील लोक लसीकरणाला (Vaccination) म्हणावा तसा प्रतिसाद देताना दिसत नाहीत. त्यामुळे पाकचे आरोग्यमंत्री डॉ. यासमीन रशिद (Dr.Yasmin Rashid) यांच्या अध्यक्षतेखाली बैठकीत झालेल्या निर्णयानुसार जे लोक लस (Vaccine) घेणार नाहीत, त्यांचे मोबाईल सिमकार्ड ब्लॉक करण्यात येणार आहे.