डोकं फिरलंया ! PAK चे PM इमरान खान यांनी संसदेत ‘आतंकवादी’ ओसामा बिन लादेनला ‘शहीद’ असल्याचं सांगितलं, व्हिडीओ व्हायरल
नवी दिल्ली : वृत्तसंस्था – नॅशनल असेंब्लीमध्ये भाषणादरम्यान पाकिस्तानचे पंतप्रधान इमरान खान यांनी धोकादायक दहशतवादी ओसामा बिन लादेनला ‘शहीद’ म्हणून घोषित केले. ओसामा बिन लादेन हा अल कायदा या दहशतवादी संघटनेचा प्रमुख होता आणि अमेरिकेतील 9/11 च्या दहशतवादी हल्ल्याचा मास्टरमाइंडही होता.
इमरान खान आपल्या भाषणात म्हणाले, आम्ही फारच लज्जित झालो होतो जेव्हा अमेरिकन लोकांनी एबटाबादला येऊन ओसामा बिन लादेनला ठार मारले…त्यास शहीद करण्यात आले.
Prime Minister Imran Khan speech at the assembly #PMIKAssemblySpeech pic.twitter.com/wta9RYm8Hd
— PTI Sindh Official (@PTISindhOffice) June 25, 2020
ओसामा बिन लादेनने 2001 मध्ये अमेरिकेवर 9/11 चा दहशतवादी हल्ला केला होता. या हल्ल्यात जवळपास 3000 अमेरिकन लोकांना आपला जीव गमवावा लागला. यूएस नेव्ही सीलने 2011 मध्ये लष्करी कारवाईत ओसामा बिन लादेनला ठार केले होते. अमेरिकन सैन्याने पाकिस्तानच्या एबटाबादमध्ये प्रवेश केला आणि ही कारवाई केली.
तथापि, ओसामा बिन लादेनसाठी इमरान खानने नरमाई दाखवण्याची ही पहिली वेळ नाही. यापूर्वी एका टीव्ही मुलाखतीतही पाकिस्तानचे पंतप्रधान इमरान खान यांनी ओसामा बिन लादेनला दहशतवादी म्हणण्यास नकार दिला होता. तसेच इमरान खान यांनी अमेरिकेचे अध्यक्ष जॉर्ज वॉशिंग्टन यांचे उदाहरण देत म्हटले की ते ब्रिटनसाठी दहशतवादी आणि इतरांसाठी स्वातंत्र्यसैनिक होते.
गेल्या वर्षी सप्टेंबरमध्ये अमेरिकेच्या दौऱ्यादरम्यान इमरान खान म्हणाले होते की पाकिस्तानने अमेरिकेच्या सुरक्षा एजन्सींना एबटाबादमध्ये ओसामा बिन लादेनच्या उपस्थितीबद्दल माहिती दिली होती. तथापि, ते म्हणाले होते की अमेरिकेने पाकिस्तानला अंधारात ठेवून ओसामा बिन लादेनला ठार करण्याचे काम करायला नको होते. अमेरिकन वृत्तवाहिनीला दिलेल्या मुलाखतीत इमरान खान म्हणाले होते की अमेरिकेच्या कारवाईने पाकिस्तानला लाजिरवाणे केले होते, कारण अमेरिकेचा सहयोगी असूनही त्याला या कारवाईत विश्वासार्ह मानले गेले नव्हते.
अमेरिकन सैन्य दलांनी 2 मे 2011 रोजी पाकिस्तानच्या हद्दीत प्रवेश करून अल-कायदाचा भयानक दहशतवादी लादेनला मारून 9/11 च्या हल्ल्याचा बदला घेतला. मिशन ओसामाला 2 मे रोजी रात्री एक वाजण्याच्या सुमारास अमेरिकी सैन्याने अंमलात आणले. अमेरिकन कमांडोंनी पाकिस्तानच्या छावणीत घुसून त्याची शिकार केली आणि पाकिस्तानला त्याचा सुगावा देखील लागला नाही. जेव्हा जॉइंट चीफ ऑफ स्टाफचे चेअरमन अॅडमिरल माइक मुलेन यांनी फोन करून पाकिस्तानी जनरल कियानी यांना सांगितले, तेव्हा पाकिस्तानला ओसामाच्या मृत्यूबद्दल कळले. या कारवाईनंतर पाकिस्तान ओसामा बिन लादेनला आश्रय देण्याच्या भूमिकेचा सातत्याने खंडन करत होता.