31 डिसेंबरपुर्वी जरूर करा ‘ही’ 4 कामे, अन्यथा नववर्षात होईल ‘अडचण’, जाणून घ्या
नवी दिल्ली – वृत्तसंस्था : २०१९ हे वर्ष संपण्यास आता काही दिवस बाकी आहेत. अशा परिस्थितीत आपल्याला बँक (Bank), आयकर (Income Tax), एटीएम (ATM), पॅनकार्ड (PAN Card) संबंधी काही कामे ३१ डिसेंबर २०१९ पर्यंत निकाली काढणे आवश्यक आहे. जर आपण ३१ डिसेंबरपर्यंत ही कामे हाताळली नाहीत तर आपण अडचणीत येऊ शकता. जाणून घेऊया की ती ४ कामे कोणती आहेत, जी आपल्याला ३१ डिसेंबरपूर्वी पूर्ण करावी लागतील.
(१) 31 डिसेंबरपर्यंत आधार आणि पॅन लिंक करणे आवश्यक आहे
आपण अद्याप पॅन आणि आधार (Pan card aadhaar linking) लिंक केले नसेल तर आता आपल्याकडे काही दिवस शिल्लक आहेत. पॅन आणि आधार लिंक करण्यासाठी आयकर विभागाने ३१ डिसेंबर २०१९ रोजी अंतिम तारीख निश्चित केली आहे. हे न केल्यास, केंद्रीय प्रत्यक्ष कर बोर्ड (CBDT) पॅन कार्ड ‘अवैध’ म्हणून घोषित करू शकते. यानंतर बेकायदेशीर पॅन अंतर्गत जी कायदेशीर तरतूद पाळली जाते, त्याचे अनुसरण केले जाईल. असे मानले जाईल की त्या व्यक्तीने पॅनसाठी अर्ज केलाच नव्हता. त्यामुळे पॅन आणि आधार लिंक करणे महत्वाचे आहे.
(२) एसबीआय (SBI) चे एटीएम डेबिट कार्ड
जर आपले बचत खाते (Saving Account) देशातील सर्वात मोठी बँक स्टेट बँक ऑफ इंडिया (SBI) मध्ये असेल तर आपण हे काम ३१ डिसेंबर २०१९ पर्यंत करणे आवश्यक आहे. अन्यथा, आपण आपल्या बँक खात्यात ठेवलेले पैसे काढू शकणार नाही. वास्तविक, SBI आपल्या ग्राहकांच्या मॅग्नेटिक स्ट्रिप (Magnetic Stripe) डेबिट कार्ड (Debit Card) चे ईएमव्ही चिप डेबिट कार्ड (EMV Chip Debit Card) मध्ये रूपांतर करीत आहे. आपण अद्याप आपले मैगनेटिक स्ट्रिप असलेले डेबिट कार्ड नवीन कार्डमध्ये रूपांतरित केले नसल्यास आपल्याकडे अद्याप वेळ आहे. आपण हे काम ३१ डिसेंबर २०१९ पर्यंत आपल्या बँक शाखेत जाऊन करू शकता. जर तुम्ही असे केले नाही तर तुमचे डेबिट कार्ड काम करणार नाही.
(३) ३१ डिसेंबरपर्यंत जर आयटीआर (ITR) भरला नाही तर दंड भरावा लागणार
जर आपण अद्याप २०१८-२०१९ साठी आपला प्राप्तिकर रिटर्न (ITR) दाखल केलेला नसेल तर येत्या काळात जास्तीचा दंड टाळण्यासाठी आपण ३१ डिसेंबरपर्यंत आयटीआर दाखल करू शकता. जर आपण अंतिम मुदतीनंतर आणि ३१ डिसेंबरपूर्वी आयकर विवरण भरत असाल तर तुम्हाला ५००० रुपये दंड भरावा लागेल. परंतु आपण ३१ डिसेंबर २०१९ नंतर आणि ३१ मार्च २०२० पूर्वी रिटर्न भरल्यास तुम्हाला १०,००० रुपये दंड भरावा लागेल.
(४) ‘सबका विश्वास योजना’ ची अंतिम तारीख ३१ डिसेंबर
जर आपण कोणत्याही सेवा कर (Service Tax) किंवा उत्पादन शुल्क (Excise Duty) संबंधित विवादांशी संबंधित असाल तर त्याचे निरसन करण्यासाठी १ डिसेंबर २०१९ पूर्वी नोंदणी करणे आपल्यासाठी अधिक चांगले होईल. खरं तर, सरकारी सूत्रांचा हवाला देत मीडिया रिपोर्ट्समध्ये असे म्हटले आहे की अर्थ मंत्रालय (Ministry of Finance) ‘सबका विश्वास योजने’चा अंतिम कालावधी वाढवणार नाही. अधिक माहिती अशी की वित्त मंत्रालयाने अशा प्रकारच्या विवादांचे निराकरण करण्यासाठी ही योजना सुरू केली होती, ज्याची अंतिम तारीख ३१ डिसेंबर २०१९ आहे.
फेसबुक पेज लाईक करा – https://www.facebook.com/policenama/
- दातदुखी दूर करण्यासाठी ‘या’ तेलाचा होतो फायदा ! ‘हे’ आहे ६ फायदे
- तुम्हाला ‘रेड टी’ माहित आहे का? ‘हे’ आहेत ५ आरोग्यदायी फायदे
- कपड्यांना येणारी दुर्गंधी दूर करण्यासाठी ‘या’ ७ घरगुती टिप्स !
- आठवड्यातून ५ वेळा गरम पाण्याने आंघोळ केल्यास होतो ‘हा’ फायदा
- छोट्या-छोट्या गोष्टींवर रडू येते का? ‘ही’ आहेत ९ कारणे, जाणून घ्या
- ‘योगा’मुळे कमी होते नैराश्याची तीव्रता, ‘हे’ आहेत ५ परिणाम
- भुकेमुळे राग येत असेल तर करा ‘हे’ ५ उपाय, जाणून घ्या