तुम्ही सुद्धा जास्त Paracetamol घेत आहात का?, वयाच्या हिशेबाने ‘हा’ आहे क्रोसीन,काल्पोल, डोलोचा योग्य डोस

नवी दिल्ली : वृत्तसंस्था – Paracetamol | भारतात मोठ्या प्रमाणात लोक पॅरासिटामॉल (paracetamol) वापरतात. थोडीशी डोकेदुखी असो किंवा हलका ताप (Fiver) असो, लोक प्रत्येक गोष्टीत काल्पोल (Calpol), क्रोसीन (Crocin), डोलो (Dolo) सारखी पॅरासिटामॉल औषधे घेतात. परंतु बहुतेक लोकांना त्याचे अचूक प्रमाण माहित नसते. पॅरासिटामॉलमध्ये स्टेरॉईड्स असतात, त्यामुळे त्याचा चुकीचा डोस तुम्हाला खूप हानी पोहोचवू शकतो. (Paracetamol)

 

पॅरासिटामॉलचा वापर सामान्यतः ताप, मायग्रेन, मासिक पाळीत वेदना, डोकेदुखी, दातदुखी, शरीरदुखी यांसारख्या स्थितींमध्ये केला जातो. काल्पोल, क्रोसीन, डोलो, सुमो एल (Sumo L), काबिमोल (Kabimol), पॅसिमोल अशा अनेक नावांनी ते औषधांच्या दुकानात उपलब्ध आहे.

 

तापात पॅरासिटामॉलचा योग्य डोस
Drugs.com नुसार, जर सामान्य प्रौढ व्यक्तीला ताप असेल, तर अमेरिकेच्या मार्गदर्शक तत्त्वानुसार, 325 एमजी ते 650 एमजी पॅरासिटामॉलचा डोस 4 ते 6 तासांच्या कालावधीत दिला जाऊ शकतो. जर अंतर 8 तासांपर्यंत असेल तर त्याला 1000 मिलीग्रामपर्यंत औषध दिले जाऊ शकते.

 

मात्र, व्यक्तीचे पूर्वीचे आजार, वजन, उंची, वातावरण याच्या आधारेही डोस ठरवला जातो. मार्गदर्शक तत्वानुसार, 500 मिलीग्राम पॅरासिटामॉल तापात 6 तासांनंतरच घ्यावे. लहान मुलांना पॅरासिटामॉल देताना खूप काळजी घ्यावी लागते.

 

जर मुलाला ताप असेल आणि एक महिन्यापेक्षा कमी वय असेल तर, 10 ते 15 मिलीग्राम पॅरासिटामॉल प्रति किलो वजनाच्या हिशेबाने 4 ते 6 तासांच्या अंतराने दिले जाते. हेच प्रमाण 12 वर्षांपर्यंतच्या मुलाला 6 ते 8 तासांच्या अंतराने द्यावे.

 

वेदनांमध्ये पॅरासिटामॉलची योग्य मात्रा
जर एखाद्या सामान्य प्रौढ व्यक्तीचे शरीर दुखत असेल तर 325 ते 650 मिलीग्रॅम पॅरासिटामॉल औषध 4 ते 6 तासांच्या अंतराने घ्यावे. त्याच वेळी, एक हजार मिलीग्रॅम औषध 6 ते 8 तासांच्या अंतराने घ्यावे. (Paracetamol)

 

वेदना कमी करण्यासाठी 500 मिलीग्राम औषध 4 ते 6 तासांच्या अंतराने घेतले पाहिजे. दुसरीकडे, लहान मुलांना 6 ते 8 तासांच्या दरम्यान शरीराच्या वजनाच्या हिशेबाने 10 ते 15 मिलीग्राम प्रति किलो वजन घेतले पाहिजे.

पॅरासिटामोल घेण्यापूर्वीची खबरदारी
वेबएमडीच्या बातमीनुसार, जर तुम्ही तापामध्ये तीन दिवसांपासून पॅरासिटामोल औषध घेत असाल आणि ताप उतरत नसेल,
तर ते लगेच बंद करा आणि डॉक्टरांशी संपर्क साधा.

 

कोणत्याही प्रकारच्या वेदनांमध्ये पॅरासिटामॉल 10 दिवसांपेक्षा जास्त काळ घेऊ नये.
याशिवाय यकृताची समस्या, किडनीची समस्या, अल्कोहोलची समस्या आणि
कमी वजन असल्यास डॉक्टरांच्या सल्ल्याशिवाय पॅरासिटामॉल घेऊ नये.

 

पॅरासिटामोल ओव्हरडोसचे दुष्परिणाम
पॅरासिटामॉलच्या ओव्हरडोसमुळे काहीवेळा साईड इफेक्ट्स देखील होऊ शकतात.
अ‍ॅलर्जी, त्वचेवर पुरळ उठणे, रक्ताचे विकार अशा समस्या असू शकतात.
याशिवाय पॅरासिटामॉलच्या चुकीच्या वापरामुळे यकृत आणि किडनी खराब होण्याचा धोका असतो.

 

Paracetamol च्या ओव्हरडोसमुळे अतिसार, अति घाम येणे, भूक न लागणे, अस्वस्थता, उलट्या, पोटदुखी,
वेदना, पोटात मुरडने यासारख्या समस्या उद्भवू शकतात.

 

(Disclaimer : वरील मजकुरात नमूद सल्ला आणि सूचना केवळ सामान्य माहितीच्या उद्देशाने आहेत.
तो व्यावसायिक वैद्यकीय सल्ला म्हणून घेऊ नये. काही प्रश्न किंवा समस्या असल्यास नेहमी डॉक्टरांचा सल्ला घ्या.)

 

Web Title :- Paracetamol | what is the exact dose of paracetamol know the exact dose of crocin calpol dolo sumo by weight and age

 

Join our WhatsApp GroupTelegramfacebook page and Twitter for every update

 

हे देखील वाचा

 

Cryptocurrency चा बुडबुडा फुटला, Bitcoin मध्ये यावर्षी होऊ शकते घसरण : रिपोर्ट

 

Coronavirus in Maharashtra | राज्यात नवीन रुग्णांपेक्षा बरे होणाऱ्या रुग्णांची संख्या अधिक, गेल्या 24 तासात ‘कोरोना’चे 43,697 नवीन रुग्ण; जाणून घ्या इतर आकडेवारी

 

SSC HSC Exam 2022 | 10 वी-12 वीच्या परीक्षा ऑफलाईनच होणार; शालेय शिक्षणमंत्री वर्षा गायकवाड यांची माहिती