Param Bir Singh | ’मला मुंबईत यायला भीती वाटते’, परमबीर सिंह यांच्या युक्तीवादावर SC ने दिला ‘हा’ आदेश

नवी दिल्ली – मुंबईचे माजी पोलीस कमिश्नर परमबीर सिंह (Param Bir Singh) यांच्या याचिकेवर आज सुप्रिम कोर्टात (Supreme Court) सुनावणी झाली. या दरम्यान परमबीर सिंह (Param Bir Singh) यांच्या वकीलाने कोर्टात म्हटले की, मुंबईत जाण्यास धोका आहे, यासाठी ते येत नाहीत. यावर कोर्टाने म्हटले की, ही हैराण करणारी बाब आहे की, मुंबईच्या माजी पोलीस कमिशनरला मुंबईत येण्यास आणि राहण्यास भीती वाटत आहे.

 

परमबीर सिंह (Param Bir Singh) यांनी सुप्रीम कोर्टात संरक्षण देण्यासाठी याचिका दाखल केली आहे. मागील सुनावणीदरम्यान कोर्टाने म्हटले होते की, जोपर्यंत परमबीर सिंह हे सांगत नाहीत की ते कुठे आहेत, तोपर्यंत संरक्षण देता येऊ शकत नाही.

 

सोमवारी झालेल्या सुनावणीत परमबीर (Param Bir Singh) यांच्या वकीलाने म्हटले की, ते भारतातच आहेत आणि ते नेपाळला जाणार असल्याचे वृत्त चुकीचे आहे. परमबीर सिंह यांनी असेही म्हटले की, ते सीबीआयच्या समोर हजर होण्यास सुद्धा तयार आहेत. यानंतर कोर्टाने दिलासा देत त्यांच्या अटकेवर स्थगिती दिली. आता या प्रकरणावर 6 डिसेंबरला पुढील सुनावणी होईल.

 

कोर्टाने व्यक्त केले आश्चर्य

सुनावणी दरम्यान परमबीर यांच्याकडून सादर झालेल्या वकीलाने म्हटले की, त्यांच्याकडे नवीन डीजीपीची टेप आहे ज्यामध्ये ते त्यांच्याकडे माजी गृहमंत्री अनिल देशमुख (Anil Deshmukh) यांच्याविरूद्ध केस परत घेण्यास सांगत आहेत.

 

त्यांनी म्हटले की, त्यांच्यावर केस मागे घेण्यासाठी दबाव आणला जात आहे आणि असे न केल्यास त्यांच्यावर केस दाखल करण्याची धमकी दिली जात आहे. त्यांच्या वकीलाने कार्टात सांगितले की, परमबीर सिंह यांना कुठेही फरार व्हायचे नाही. ते महाराष्ट्रात जाताच त्यांना पोलिसांकडून धोका असेल, त्यांना केवळ अटकेची नव्हे, तर त्यांच्या जीवाला सुद्धा धोका आहे.

 

या युक्तीवादावर सुप्रीम कोर्टाने म्हटले की, ही हैराण करणारी बाब आहे की,
मुंबईच्या माजी पोलीस कमिश्नरला मुंबईत येण्यास आणि राहण्यास भीती वाटत आहे.
यावर जस्टिस एक. के. कौल यांनी म्हटले की, जर मुंबईच्या माजी पोलीस आयुक्ताला मुंबई पोलिसांकडून धोका असेल
तर हा कोणता संदेश पाठवला जात आहे? सिंह (Param Bir Singh) यांच्या वकीलांनी म्हटले की,
कारण त्यांनी माजी गृहमंत्री देशमुख यांच्यावर पैसे वसुलीचे रॅकेट चालवल्याचा आरोप केला आहे, यासाठी त्यांना फसवले जात आहे.

 

DGP ने पत्र परत घेण्यास सांगितले : परमबीर

जस्टिस कौल यांनी परमबीर सिंह यांच्या वकीलाला विचारले की, ते माजी गृहमंत्र्यांच्या संपर्कात होते का?
यावर त्यांनी सांगितले की, त्यांना त्यांच्या ज्युनियर्सकडून समजले होते की,
गृहमंत्री जबरदस्तीने वसूलीची मागणी करत आहेत, तेव्हा त्यांनी महाराष्ट्राच्या सीएमला लिहिले आणि कारवाईची मागणी केली.
परंतु त्यांना पदावरून हटवण्यात आले होते.

 

वकीलाने म्हटले की, मार्चमध्ये डीजीपीने त्यांना सीएमला लिहिलेले पत्र परत घेण्यास सांगितले होते
आणि गृहमंत्र्यांसोबत शांतता स्थापन करण्यास सांगितले होते. त्यांनी ते पत्र सीबीआयला पाठवले आणि CBI ने केस दाखल केली.

 

Web Title :- Parambir Singh | mumbai former police commissioner param bir singh plea supreme court hearing anil deshmukh cbi marathi news policenama

 

Join our WhatsApp GroupTelegramfacebook page and Twitter for every update

 

हे देखील वाचा

Alia Bhatt-Tara Sutaria | आलिया भट्टची होणारी भावजय तिच्यापेक्षा ‘हॉट’, पाहा तिचे खास फोटो..!

Nawab Malik In Dubai | वानखेडेंवर आरोप करणारे नवाब मलिक अचानकपणे दुबई दौऱ्यावर का गेले?

Freida Pinto | स्लमडाॅग मिलेनियर फेम फ्रीडा पिंटोला पुत्र रत्न, शेअर केला फोटो