Parenting Tips | मुलांना नकारात्मकतेपासून दूर ठेवा, त्यांना समजून घ्या !

On Jul 13, 2021

parenting tips keep away negativity from childrens

file photo

पोलीसनामा ऑनलाइन (Policenama online) – (Parenting Tips) | कोरोना साथीच्या आजाराला आता एक वर्षाहून अधिक काळ होऊन गेला आहे. कोरोनाने पुन्हा एकदा घरात बंदिस्त राहण्यास भाग पाडले जात आहे. याचा सर्वात मोठा परिणाम मुलांवर होत आहे. शाळा व महाविद्यालये बंद आहेत. मुलांच्या शिक्षणावर परिणाम होत आहे. ते ना खेळायला बाहेर जाऊ शकतात ना आपल्या मित्रांना भेटू शकत. याचा त्यांच्यावर खोल परिणाम होत आहे. एका अभ्यासानुसार, लॉकडाऊनमुळे मुलांच्या मानसिक आणि शारीरिक आरोग्यावर परिणाम झाला आहे. चिडचिडेपणा आणि नकारात्मकता त्यांच्यात घर बनवित आहे इतकेच नव्हे तर इंटरनेटचा जास्त वापर केल्यामुळे ते ऑनलाईन छळालाही बळी पडत आहेत. अशा कठीण परिस्थितीत मुलांची काळजी घेणे हे पालकांसाठी (Parenting Tips) एक आव्हान बनले आहे. पण याबद्दल काळजी करण्याची गरज नाही. थोडेसे समजून घेतल्यास, आपण आपल्या मुलांची चांगली काळजी घेऊ शकता.

1) घरी सकारात्मक वातावरण तयार करा
मुलांना नकारात्मकतेपासून दूर ठेवण्यासाठी घराचे वातावरण सकारात्मक राहिले पाहिजे. म्हणूनच, सर्वप्रथम, मुलांसमोर कोरोनाशी संबंधित कोणत्याही नकारात्मक गोष्टी बोलू नका. त्यांना खूप प्रेम द्या आणि चांगल्या गोष्टी शिकवा.

2) मुलांबरोबर वेळ घालवा
पालकांनी त्यांच्या कामांसाठी तसेच मुलांसाठी वेळ काढणे महत्वाचे आहे. मुलांशी बोला. खाली बसून त्यांच्याबरोबर त्यांचा आवडता खेळ खेळा. एकत्र बसून वाचा आणि एकत्र बसून चित्र रंगवा.

3) मित्रांशी बोलत रहा
कोरोनामुळे मुले त्यांच्या मित्रांना भेटू शकत नाहीत. म्हणूनच हे आवश्यक आहे की पालकांनी त्यांच्या मुलांना त्यांच्या मित्रासोबत बोलून दिले पाहिजे. असे केल्याने त्यांचे मन घरात रमेल.

4) योग आणि व्यायाम करा
घरी राहिल्यामुळे मुले शारीरिक हालचाली करण्यास असमर्थ असतात. यामुळे मुलांसोबत पालकांनी देखील योगासने आणि व्यायाम केला पाहिजे आणि त्याचे फायदे मुलांना सांगितले पाहिजे. असे केल्याने मुले आरोग्यासाठी जागरूकही होतील.