नवी दिल्ली : वृत्तसंस्था – पार्थिव पटेलने क्रिकेटच्या सर्व स्वरूपातून निवृत्ती जाहीर केली आहे. 35 वर्षीय विकेटकीपर फलंदाजाने बुधवारी ट्विट करून ही माहिती दिली. त्याची क्रिकेट कारकीर्द 18 वर्षांची होती.
पार्थिव पेटलने 25 कसोटी, 38 वन डे आणि 2 टी -20 आंतरराष्ट्रीय सामन्यांमध्ये टीम इंडियाचे प्रतिनिधित्व केले. त्याने जानेवारी 2018 मध्ये जोहान्सबर्ग येथे दक्षिण आफ्रिकेविरुद्ध अंतिम कसोटी सामना खेळला होता. 17 वर्षांत कसोटी क्रिकेटमध्ये पदार्पण करणाऱ्या पार्थिव पटेलने 31.13 अर्धशतकांसह 934 च्या सरासरीने धावा केल्या. त्याने 62 कॅच घेतले आणि 10 स्टंप केले.
— parthiv patel (@parthiv9) December 9, 2020
पार्थिवने वन डे कारकिर्दीत 23.74 च्या सरासरीने 4 अर्धशतकांसह 736 धावा केल्या. त्याने 30 कॅच पकडले आणि 9 स्टंप केले. आयपीएल -2020 मध्ये त्याला रॉयल चॅलेंजर्स बंगळुरूचा (आरसीबी) एकही सामना खेळण्याची संधी मिळाली नाही.