‘नक्षलवादी-दहशतवादी’ हल्ल्यांपेक्षा रस्ते अपघातातील मृत्यूंची संख्या जास्त : नितीन गडकरी

On Jul 31, 2019

नवी दिल्ली : वृत्तसंस्था – हाणामारी, हल्ले, नक्षलवादी-दहशतवादी हल्ले यांच्यात मृत्यूमुखी पडणाऱ्यांपेक्षा रस्ते अपघातात मृत्यू पडणाऱ्यांची संख्या जास्त असल्याची माहित केंद्रीयमंत्री नितीन गडकरी यांनी आज राज्यसभेत दिली. मोटार वाहन कायदा दुरुस्ती विधेयकावर चर्चेदरम्यान गडकरी बोलत होते. देशामध्ये रस्ते अपघातात दरवर्षी सुमारे १.५ लाख लोकांचा मृत्यू होत असल्याचे त्यांनी सांगितले.

देशात रस्ते अपघातात होणारे मृत्यू आणि त्यांची संख्या पाहता ही बाब चिंताजनक आहे. हे अपघात रोखण्याची जबाबदारी सरकारची आहे. त्यामुळे मोटार वाहन कायदा दुरुस्ती विधेयक सादर करण्यात आला असल्याचे गडकरी यांनी राज्यसभेत सांगितले. राष्ट्रीय महामार्गावर अपघातांचे प्रमाण ४० टक्के आहे. महामार्गावर अपघात प्रवण क्षेत्र निश्चित करण्यात आली असून त्याठिकाणी महत्वाच्या कामांना सुरुवात करण्यात आली आहे.

वाहतूक नियमांचे उल्लंघन करणाऱ्यांवर दुरुस्ती विधेयकामध्ये कठोर तरतुदी करण्यात आलेल्या आहेत. देशभरात ३० टक्के वाहन परवाने बनावट आहेत. एखादी व्यक्ती चार-चार परवाने प्राप्त करू शकते असे गडकरी यांनी यावेळी नमूद केले. राज्य सरकारच्या कोणत्याही अधिकारावर आम्हाला गदा आणायची नाही. हा राजकीय मुद्दा नाही मात्र, बेकायदा गोष्टी आणि रस्ते अपघात रोखण्यासाठी तातडीने कायदे करण्याची आवश्यता असल्याचे त्यांनी सांगितले.

आरोग्यविषयक वृत्त