Petrol Diesel Price | दोन दिवसात पेट्रोल प्रति लिटर 42 पैशांनी तर डिझेल 57 पैशांनी महागले
पुणे : Petrol Diesel Price | कच्च्या तेलाच्या किंमतीत वाढ झाल्याने पुन्हा एकदा पेट्रोल आणि डिझेलचे दर आणखी उंच गगनाला भिडण्यास सुरुवात झाली आहे. गेल्या दोन दिवसात पेट्रोल प्रति लिटर ४२ पैशांनी तर, डिझेल लिटरमागे ५७ पैशांनी महागले (Petrol Diesel Price) आहे.
पश्चिम बंगालच्या निवडणुकीमुळे एप्रिल महिन्यात केंद्र सरकारने इंधनाची दरवाढ रोखून धरली होती. त्यानंतर मे महिन्याच्या सुरुवातीपासून इंधनाची दरवाढ होऊ लागली. पेट्रोलच्या दराने शंभरी पार केली. त्यानंतर गेल्या काही दिवसात पेट्रोल, डिझेलच्या भाववाढीला आळा बसला होता. एक दोनदा तर चक्क दरकपातही झाली होती. मात्र, आता पुन्हा एकदा भाववाढ (Petrol Diesel Price) होण्यास सुरुवात झाली आहे.
बुधवारी पेट्रोलमध्ये १७ पैशांनी तर डिझेलमध्ये २६ पैशांनी लिटरमागे वाढ झाली होती.
गुरुवारी पेट्रोल प्रति लिटर २५ पैशांनी महागले आहे. पुणे शहरात आता पेट्रोलचा दर १०७.२५ रुपये लिटर झाला आहे.
डिझेलच्या दरात प्रति लिटर ३१ पैशांनी वाढ करण्यात आली आहे.
डिझेलचा दर ९५.५७ रुपये लिटर इतका झाला आहे.
पॉवर पेट्रोलच्या दरात दोन दिवसात ४० पैशांची वाढ झाली आहे.
आता पुणे शहरात पॉवर पेट्रोलचा दर ११०.९२ रुपये लिटर झाला आहे.
जागतिक बाजारपेठेत कच्च्या तेलाचे भाव वाढू लागल्याने देशात पेट्रोल डिझेलच्या दरात आणखी ८ ते १० रुपयांची पुढील काळात वाढ होण्याची शक्यता व्यक्त केली जात आहे.
Earn Money | लवकर सुरू करा ‘हे’ काम, रोज होईल 3000 रुपयांची कमाई; जाणून घ्या सोपी पद्धत
Pune Crime | धक्कादायक ! पुण्यात महिला पोलिसाचा ‘विनयभंग’; जाणून घ्या प्रकरण
Virginity | ‘व्हर्जिनिटी’ (कौमार्य) गमावण्याला दिले गेले नवीन नाव, जगात सुरू झाली ‘चर्चा’ !