आता एजंटची अजिबात गरज नाही, एका क्लिकवर जाणून घ्या PF संबंधिची महत्वाची माहिती

मुंबई : पोलीसनामा ऑनलाइन – कर्मचारी भविष्य निर्वाह निधी संस्था सर्व कर्मचाऱ्यांना पीएफची (PF) सुविधा देते. यासाठी कर्मचाऱ्यांच्या पगारातून दरमहा ठराविक रक्कम PF खात्यात जमा करण्यासाठी कापली जाते. मात्र अनेकांना PF खात्यातील पैसे काढण्यापासून ते अपडेट करण्याची माहिती नसते. मात्र आज आम्ही तुम्हाला या सर्व गोष्टी घरबसल्या ऑनलाईन कशा करायचे याची माहिती देणार आहोत. विशेष म्हणजे नुकतेच EPFO ने प्रत्येक कामाच्या प्रक्रियेसाठी काही व्हिडीओ शेअर केले आहेत. या व्हिडीओ द्वारे संपूर्ण प्रक्रिया सहजरित्या समजून घेता येईल. तसेच घरबसल्या एका क्लिकवर पीएफसंबंधित काम करता येणार आहे.
1) पीएफ PF बॅलेन्स असा करा चेक
पीएफ ग्राहकांना एसएमएस, मिस्ड कॉल, वेबसाईट आणि उमंग अॅप्लीकेशनद्वारे PF बॅलन्स चेक करता येईल. SMS द्वारे EPF अकाऊंट बॅलेन्स तपासण्यासाठी तुम्हाला नोंदणीकृत मोबाईल क्रमांकावरुन EPFOHO UAN LAN टाईप करुन या 7738299899 वर पाठवावा लागेल. तसेच 01122901406 या क्रमांकावर फक्त मिस कॉल देऊन PF बॅलन्स पाहता येईल. तसेच वेबसाईटवरही तुम्हाला पीएफचा बॅलन्स चेक करता येईल. तसेच या ठिकाणी तुम्हाला पासबुकही डाऊनलोड करता येईल.
2) अशी करा Date of Exit अपडेट
तसेच ज्यावेळी तुम्ही एका ठिकाणाहून नोकरी सोडता आणि दुसर्या ठिकाणी रुजू होता.
त्यावेळी तुम्हाला Date of Exit अपडेट करावी लागते.
यासाठी तुम्ही प्रथम अधिकृत वेबसाईटवर जा.
यानंतर मॅनेज ऑप्शनवर क्लिक करा.
त्यानंतर एक्झिटवर क्लिक करुन पुढील प्रक्रिया पूर्ण करा.
3) असा जाणून घ्या UAN नंबर?
UAN नंबर जाणून घेण्यासाठी तुम्हाला epfindia.gov.in वर जावे लागले.
त्यानंतर सर्व्हिसेसवर क्लिक करुन त्याठिकाणी असलेल्या Employees ऑप्शनवर क्लिक करा.
यानंतर Know Your UAN ऑप्शनवर क्लिक करा.
यानंतर दिलेली संपूर्ण प्रक्रिया पूर्ण करत UAN क्रमांक जाणून घ्या.
4) असा करा UAN जनरेट?
जर तुम्ही अद्याप तुमचे UAN जनरेट केले नसेल तर एखाद्या अधिकृत वेबसाईटवर जा.
त्यावर जाऊन Activate UAN या ऑप्शनवर क्लि करा.
यानंतर दिलेली माहिती भरुन ओटीपी टाकून संपूर्ण प्रक्रिया पूर्ण करा.
काय सांगता ! होय, पुणे महापालिकेनं ठेकेदाराला कामापुर्वीच दिला 90 टक्के अॅडव्हान्स, उलट-सुलट चर्चा
Wab Title :- pf account balance to uan number know how to handle your pf account from home