पिंपरी : पोलीसनामा ऑनलाइन – ज्यांची पूर्वाश्रमीची वाटचाल आणि भावी वाटचाल जातीयवादी पक्षांच्या जवळ जाणारी आहे. त्यांना कॉंग्रेस कदापिही पाठिंबा देणार नाही. राष्ट्रवादी कॉंग्रेस पक्षाने पिंपरी, चिंचवड, भोसरीमध्ये नक्की कोणता उमेदवार दिला आहे. याबाबत संदिग्धता आहे. कॉंग्रेस पक्षाच्या वरिष्ठांशी चर्चा केल्याशिवाय राष्ट्रवादीने चिंचवड व भोसरीमध्ये काँग्रेसच्या परस्पर विधानसभेसाठी ‘पुरस्कृत’ उमेदवार जाहिर करू नये व त्यासाठी कॉंग्रेसला गृहित धरु नये, अशी भूमिका कॉंग्रेसचे शहराध्यक्ष सचिन साठे यांनी पिंपरीत आयोजित केलेल्या पत्रकार परिषदेत जाहिर केली.
पिंपरी चिंचवड शहर जिल्हा कॉंग्रेसच्यावतीने रविवारी (दि. 6) आयोजित केलेल्या पत्रकार परिषदेस माजी महापौर कविचंद भाट, सेवादलाचे राष्ट्रीय सहसचिव संग्राम तावडे, ज्येष्ठ नेत्या निगार बारस्कर, सुदाम ढोरे, अनूसचित जाती विभागाचे प्रदेश कार्याध्यक्ष गौतम आरकडे, ओबीसी सेलचे प्रदेश उपाध्यक्ष राजेंद्रसिंह वालिया, मयूर जैसवाल, लक्ष्मण रुपनर, भाऊसाहेब मुगुटमल, मकरध्वज यादव, सुंदर कांबळे, शितल कोतवाल आदी उपस्थित होते.
तत्पूर्वी पिंपरी चिंचवड शहर जिल्हा कॉंग्रेसच्या सर्व सेलच्या सर्व पदाधिकाऱ्यांची व प्रमुख कार्यकर्त्यांची प्राधिकरणात बैठक झाली. या बैठकीत कार्यकर्त्यांनी विधानसभा निवडणुकीबात सुरु असणाऱ्या शहरातील घडामोडींविषयी तीव्र प्रतिक्रिया व्यक्त केल्या. साठे म्हणाले की, कॉंग्रेस पक्षाची भूमिका नेहमी धर्मनिरपेक्ष पक्षांविरूद्ध लढण्याची आहे.
पिंपरी चिंचवड शहरात कॉंग्रेसची विचारधारा मानणारा मोठा वर्ग आहे. मागील काळात विरोधकांच्या चुकीच्या निर्णया विरोधात कॉंग्रेसने वेळोवेळी रस्त्यावर उतरून आंदोलन केले आहे. लोकसभा निवडणुकीत पार्थ पवारांच्या अर्जावर मी सूचक म्हणून सही केली होती. त्यावेळी सर्व कॉंग्रेसच्या कार्यकर्त्यांनी पार्थ पवारांचा व खासदार अमोल कोल्हे यांचा प्रचार केला होता. आघाडीचा धर्म पाळावा असा कॉंग्रेसच्या वरिष्ठांचा आम्हाला आदेश आहे.
परंतू, ‘पुरस्कृत’ उमेदवाराला मदत करा, असा आदेश नाही. शहरात कोणताही उमेदवार पुरस्कृत करण्या अगोदर राष्ट्रवादीने कॉंग्रेसशी संवाद साधायला हवा. स्थानिक पातळीवर कॉंग्रेस पदाधिकाऱ्यांशी व वरिष्ठ पातळीवर वरिष्ठांशी चर्चा केल्याशिवाय राष्ट्रवादी कॉंग्रेसने कोणताही उमेदवार पुरस्कृत करू नये. व त्यासाठी कॉंग्रेसला गृहित धरु नये असाही सूचक इशारा सचिन साठे यांनी यावेळी राष्ट्रवादीला दिला.
Visit : Policenama.com
- जेवण केल्यानंतर पोटात गॅस होतो का ? मग तुमच्या आहारात करा ‘हे’ ५ बदल
- सावधान ! शारीरीक संबंध न ठेवताही होऊ शकतो लैंगिक आजार, जाणून घ्या
- बाजारत आली आहेत ‘प्लास्टिकची अंडी’, आरोग्यासाठी घातक, अशा प्रकारे ओळखा
- दररोज साफ करा तुमची जीभ, अन्यथा होऊ शकतो ‘हा’ आजार, जाणून घ्या
- नस अचानक चढल्यावर करा ‘हा’ घरगुती उपाय, मिळेल त्रासापासून सुटका
- ‘मिसकॅरेज’ची भीती वाटते का ? ‘हे’ प्रभावी उपाय करा… आणि निश्चिंत व्हा