पिंपरी : पोलीसनामा ऑनलाईन – मोक्याच्या कारवाईत फरार असलेला आणि रावण टोळीचा म्होरक्या असणाऱ्या सराईत गुन्हेगारास देहूरोड पोलिसांनी अटक केली असून त्याच्याकडून एक पिस्तूल जप्त केली आहे. चिम्या उर्फ अमोल निजाप्पा गायकवाड (रा. जाधववस्ती, रावेत) असे अटक केलेल्या आरोपीचे नाव आहे. वरिष्ठ पोलीस निरीक्षक मनीष कल्याणकर यांनी दिलेल्या माहितीनुसार, विनोद निजाप्पा गायकवाड हा रावण टोळीचा मुख्य सुत्रधार आहे.
या टोळीने पिंपरी-चिंचवड शहरातील रावेत, काळेवाडी, आकुर्डी, निगडी, वाकड या भागात दहशत निर्माण केली होती. त्यामुळे पोलिसांनी विनोद गायकवाड आणि त्याच्या साथीदारांवर मोक्काची कारवाई करून त्याची कारागृहात रवानगी केली. विनोदची कारागृहात रवानगी झाल्यानंतर त्याचा भाऊ चिम्या गायकवाड याच्यावर देखील मोक्काची कारवाई झाली. मात्र, चिम्या मागील काही दिवसांपासून भूमिगत राहून ससा गायकवाड, सोन्या जाधव, नझीम व अन्य साथीदारांना घेऊन टोळी चालवत होता.
तो मंगळवारी (दि. 19) देहूरोडजवळ चिंचोली गावाजवळ येणार असल्याची माहिती देहूरोड पोलिसांना मिळाली. त्यानुसार सापळा रचून त्याला अटक करण्यात आली. त्याची झडती घेतली असता त्याच्याकडे एक गावठी पिस्तुल मिळाले. चिम्या 2017 पासून मोक्कामध्ये फरार होता.
ही कारवाई वरिष्ठ पोलीस निरीक्षक मनीष कल्याणकर, सहाय्यक पोलीस निरीक्षक गज्जेवार, उपनिरीक्षक जगताप, गायकवाड पोलीस कर्मचारी शाम शिंदे, प्रीतम वाघ, राजेश कुरणे, परदेशी, खोमणे यांच्या पथकाने केली.
Visit : Policenama.com
- जगण्याचे ‘हे’ सूत्र जाणून घ्या, ‘या’ ४ गोष्टी लक्षात ठेवल्या तर मिळेल आनंद
- जिममध्ये नुसता घाम गाळू नका, प्रथम जाणून घ्या कोणत्याही ‘व्यायामाची त्रिसुत्री’
- हिवाळ्यात ‘या’ ५ गोष्टींची घ्या काळजी; दुर्लक्ष करणे ठरू शकते घातक
- अयोग्य ‘ट्रेनर’मुळे होते आरोग्याचे नुकसान, ‘या’ ३ गोष्टी लक्षात ठेवा
- पांढरे केस, अकाली टक्कल हृदयरोगासाठी कारणीभूत, प्रयोगातील ‘हे’ ६ निष्कर्ष
- भरकटलेले जीवन यशस्वी करायचेय ? ‘हा’ आहे ‘पासवर्ड’, या ३ स्टेप्स आवश्यक
- हिवाळ्यात आरोग्य उत्तम ठेवण्यासाठी ‘या’ ६ गोष्टी नियमित करा सेवन
- गरोदर महिलांनी खावेत भिजवलेले बदाम, होतील ‘हे’ ६ आरोग्यासाठी फायदे