PM Kisan eKYC आता का आहे बंद, याच्याशिवाय 11वा हप्ता मिळणार नाही का ? जाणून घ्या
नवी दिल्ली : वृत्तसंस्था – PM Kisan eKYC | पीएम किसान सन्मान निधी (PM Kisan) चे 12 कोटींहून अधिक लाभार्थी एप्रिल – जुलै 2022 किंवा 11व्या हप्त्याची (PM Kisan 11th Installment date) वाट पाहत आहेत. सन्मान निधीचा लाभ घेणार्या शेतकर्यांसाठी सरकारने e – KYC अनिवार्य केले आहे. (PM Kisan eKYC)
ई – केवायसी पूर्ण करण्यासाठी, पूर्वी 31 मार्च 2022 ही शेवटची तारीख होती, जी 31 मे 2022 पर्यंत वाढवण्यात आली आहे, परंतु चिंतेची बाब अशी आहे की सध्या पीएम किसान पोर्टलवर ई – केवायसीचा पर्याय दिसत नाही. हा पर्याय काही दिवसांसाठी स्थगित करण्यात आला आहे. अशावेळी प्रश्न हा उपस्थित होतो की, ज्या शेतकर्यांनी अद्याप ई – केवायसी दिलेले नाही, त्यांना या महिन्यात येणारा हप्ता मिळेल का.
पीएम किसान पोर्टलवर ई – केवायसी संदर्भात एक संदेश दिसत आहे. पीएम किसानच्या नोंदणीकृत शेतकर्यांसाठी ई – केवायसी अनिवार्य आहे, असे संदेशात लिहिले आहे. कृपया बायोमेट्रिक प्रमाणीकरणासाठी तुमच्या जवळच्या सीएससी म्हणजेच आधार सेवा केंद्रांशी संपर्क साधा. (PM Kisan eKYC)
ओटीपी प्रमाणीकरणाद्वारे आधार आधारित ई – केवायसी तात्पुरते निलंबित करण्यात आले आहे. सर्व PM KISAN लाभार्थ्यांसाठी ईकेवायसीची अंतिम मुदत 31 मे 2022 पर्यंत वाढवण्यात आली आहे.
जेव्हा पीएम किसान पोर्टलवर ई – केवायसी सुरू झाले तेव्हा आधार सेवा केंद्रांवर लोकांची गर्दी होऊ लागली. परंतु, मोबाईल किंवा लॅपटॉपद्वारे घरी बसून ते सहजपणे पूर्ण केले जाऊ शकते. सध्या ते बंद आहे. गेल्या वेळेप्रमाणे या वेळीही ई – केवायसी शिवाय 11 वा हप्ता शेतकर्यांच्या खात्यावर पाठवला जाण्याची शक्यता आहे.
या योजनेंतर्गत, प्रत्येक आर्थिक वर्षात, मोदी सरकार शेतकर्यांना 2000 – 2000 च्या तीन हप्त्यांमध्ये 6000 रुपये देते. याअंतर्गत दरवर्षी पहिला हप्ता 1 एप्रिल ते 31 जुलै, दुसरा हप्ता 1 ऑगस्ट ते 30 नोव्हेंबर आणि तिसरा हप्ता 1 डिसेंबर ते 31 मार्च या कालावधीत येतो. मोदी सरकारने 24 फेब्रुवारी 2019 रोजी पीएम किसान सन्मान निधी योजना सुरू केली होती आणि ती 1 डिसेंबर 2018 पासून लागू झाली.
असे तपासा तुमचे खाते
– सर्वप्रथम पीएम किसान (PM Kisan) ची अधिकृत वेबसाइट https://pmkisan.gov.in/ वर जा.
– उजव्या बाजूला ’Farmers Corner’चा पर्याय मिळेल
– ’Beneficiary Status’ या पर्यायावर क्लिक करा. येथे एक नवीन पृष्ठ उघडेल.
– नवीन पृष्ठावर, आधार क्रमांक किंवा बँक खाते क्रमांक यापैकी एक पर्याय निवडा.
या क्रमांकांद्वारे तुम्ही तुमच्या खात्यात पैसे आले आहेत की नाही हे तपासू शकता.
– तुम्ही निवडलेल्या पर्यायाची संख्या एंटर करा. त्यानंतर ’Get Data’ वर क्लिक करा.
– येथे क्लिक केल्यानंतर, तुम्हाला सर्व व्यवहाराची माहिती मिळेल.
म्हणजेच तुमच्या खात्यात हप्ता कधी आला आणि कोणत्या बँक खात्यात जमा झाला.
– तुम्हाला येथे 11 व्या हप्त्याशी संबंधित माहिती देखील मिळेल.
– जर तुम्हाला ’FTO is generated and Payment confirmation is pending’ असे लिहिलेले दिसले.
याचा अर्थ निधी हस्तांतरणाची प्रक्रिया सुरू झाली आहे. हा हप्ता काही दिवसात तुमच्या खात्यात हस्तांतरित केला जाईल.
Web Title :- PM Kisan eKYC | pm kisan latest update 11th installment will be available without ekyc or not know here
Join our WhatsApp Group, Telegram, facebook page and Twitter for every update