आणखी 2.5 कोटी शेतकर्‍यांना सर्वात स्वस्त कर्ज देणार मोदी सरकार, फक्त ‘इतके’ टक्के लागणार व्याज, होणार ‘हा’ फायदा, जाणून घ्या
file photoनवी दिल्ली : वृत्तसंस्था – पंतप्रधान किसान सन्मान निधी योजना आणि किसान क्रेडिट कार्ड (केसीसी) योजनेच्या लाभार्थ्यांमध्ये सुमारे अडीच कोटी लोकांचे अंतर आहे. या शेतकर्‍यांना केसीसी उपलब्ध करून देण्याची तयारी सरकारने सुरू केली आहे. केंद्रीय कृषी राज्यमंत्री कैलाश चौधरी यांच्या म्हणण्यानुसार, “अडीच कोटी शेतकऱ्यांना २ लाख कोटी रुपयांचे सहज आणि सवलतीचे क्रेडिट उपलब्ध केले जाईल.” कोणत्याही शेतकऱ्याने सावकारांकडून कर्ज घेऊ नये, असा सरकारचा प्रयत्न आहे कारण त्याचे व्याज दर खूप जास्त असते आणि शेतकरी या कर्जाच्या दुष्चक्रातून बाहेर पडू शकत नाही. तर सरकारी कर्ज घेतल्यावर वर्षाकाठी केवळ ४ टक्के व्याज आकारले जाते, जे देशातील कोणत्याही कर्जावरील सर्वात कमी आहे.
केसीसी योजनेत नुकतेच केंद्र सरकारने १११.९८ लाख नवीन शेतकऱ्यांना जोडले आहे. त्याअंतर्गत ८९,८१० कोटी रुपयांचे कर्ज देण्यात आले. या आकडेवारीनुसार, केसीसीचे सुमारे पावणे आठ कोटी लाभार्थी झाल्याची माहिती मिळत आहे. पंतप्रधान-किसान योजनेतील लाभार्थी आणि केसीसी कार्डधारकांच्या संख्येत जितका फरक, आम्हाला सर्वांना पैसे द्यायचे आहेत. २४ फेब्रुवारी रोजी केसीसीला पंतप्रधान किसान योजनेशी जोडून हे कार्ड बनवणे सोपे केले गेले होते.
आता सोपे झाले आहे केसीसी बनवणे
पूर्वी बँका शेतकऱ्यांना कर्ज देताना कानकूच करत असत. मोदी सरकारने पंतप्रधान-किसान सन्मान निधीला जोडले तर कर्ज घेण्यासाठी कार्ड मिळवणे सोपे झाले. कारण केंद्र सरकारने त्यांचे महसूल नोंदी, बँक खाते आणि आधार कार्ड यापूर्वीच मंजूर केले आहेत. केंद्र सरकारने यंदा १५ लाख कोटी रुपयांचे कृषी कर्ज देण्याचे लक्ष्य ठेवले आहे.
मिळणार सर्वात स्वस्त कर्ज
किसान क्रेडिट कार्डवरील व्याज दर ४ टक्के आहे. सुरक्षेशिवाय १.६० लाख रुपयांपर्यंत कर्ज घेऊ शकता. वेळेवर पैसे दिल्यास कर्जाची रक्कम ३ लाखांपर्यंत वाढवता येते.
कोठून मिळेल केसीसी फॉर्म?
सर्व प्रथम तुम्हाला https://pmkisan.gov.in/ वर जावे लागेल. या वेबसाइटमध्ये फार्मर टॅबच्या उजव्या बाजूला केसीसी फॉर्म डाउनलोड करण्याचा पर्याय देण्यात आला आहे.
याद्वारे किसान क्रेडिट कार्ड मिळवण्यासाठी फॉर्म डाउनलोड करू शकता. फॉर्म प्रिंट केल्यानंतर तो भरावा लागेल.
कसे बनवायचे कार्ड?
शेतकरी हा फॉर्म भरून आपल्या जवळच्या व्यावसायिक बँकेत जमा करू शकतो. कार्ड तयार झाल्यावर बँक शेतकऱ्यास माहिती देईल. मग ते त्याच्या पत्त्यावर पाठवले जाईल.
हा फॉर्म नवीन क्रेडिट कार्ड बनवण्यासाठी अर्ज करण्याशिवाय विद्यमान कार्डची मर्यादा वाढवण्यासाठी आणि बंद क्रेडिट कार्ड सुरू करण्यासाठी देखील वापरला जाऊ शकतो.
हा एक पानी फॉर्म भरणे खूप सोपे आहे. यामध्ये शेतकऱ्याने प्रथम ज्या बँकेत अर्ज केला त्या बँकेचे नाव आणि त्या शाखेचे नाव भरणे आवश्यक आहे.