PM-SYM | ‘या’ सरकारी योजनेत पैसे लावल्यास वार्षिक दिले जातात 36,000 रुपये, 46 लाखापेक्षा जास्त लोकांनी केला आहे अर्ज
नवी दिल्ली : वृत्तसंस्था – PM-SYM | जर तुम्ही गुंतवणुकीचा विचार करत असाल आणि तुम्हाला चांगला निधी तयार करायचा असेल तर या योजनेत गुंतवणूक करणे तुमच्यासाठी अधिक चांगले ठरू शकते. यासाठी सरकारच्या प्रधानमंत्री श्रमयोगी मानधन योजनेची (Pradhan Mantri Shramyogi Mandhan Scheme) माहिती घेवूयात. (PM-SYM )
या योजनेत तुम्ही गुंतवणूक केली तर तुमचे पैसे कधीही बुडणार नाहीत आणि तुम्हाला निवृत्तीच्या वेळी समस्यांना सामोरे जावे लागणार नाही. या योजनेत 46 लाख लोक सामील झाले आहेत.
योजनेच्या वेबसाईटनुसार, श्रमयोगी मानधन योजनेअंतर्गत आतापर्यंत 46,17,653 लोकांनी नावनोंदणी केली आहे. या योजनेची विशेष बाब म्हणजे शासनाकडून योगदान दिले जाते. या योजनेत तुम्ही जेवढी रक्कम गुंतवता, तेवढीच रक्कम सरकार गुंतवते. PMSYM नुसार, केवळ 18 वर्षांवरील किंवा 40 वर्षांपेक्षा कमी वयाचे लोक या योजनेअंतर्गत पात्र आहेत. (PM-SYM)
–
कोण घेऊ शकतात लाभ
जर एखाद्या गुंतवणूकदाराचा पगार 15 हजार रुपयांपेक्षा कमी असेल तर तो या योजनेचा लाभ घेऊ शकत नाही. या योजनेअंतर्गत हप्त्याची रक्कम ठरलेली आहे. या योजनेत तुम्ही 5 ते 220 रुपयांपर्यंतची रक्कम गुंतवू शकता. हप्त्याची रक्कम वयानुसार ठरवली जाते आणि त्या आधारे लाभ दिला जातो. हा लाभ पेन्शन फंडाच्या स्वरूपात दिला जातो, ही योजना भारतीय आयुर्विमा महामंडळाद्वारे व्यवस्थापित केली जाते.
जर कोणी या योजनेत गुंतवणूक करत असेल तर त्याच्याकडे अर्ज करण्यासाठी आधार कार्ड, बचत बँक खाते असणे आवश्यक आहे. याशिवाय, ही सुविधा ज्या बँकेत प्रधानमंत्री जनधन योजनेची (Pradhan Mantri Jan Dhan Yojana) सुविधा उपलब्ध आहे, त्या सर्व खातेदारांसाठी वैध असेल. तुम्हाला फक्त तुमच्या खात्याचा IFSC कोड सबमिट करायचा आहे.
कधी मिळेल जास्त फायदा
PM-SYM योजनेत सामील झाल्यानंतर, तुम्हाला वयाची 60 वर्षे पूर्ण झाल्यानंतर पेन्शन मिळते.
यासोबतच या योजनेशी संबंधित लोकांना मासिक 3-3 हजार रुपये म्हणजेच वर्षभरात 36 हजार रुपये पेन्शन दिली जाते.
PMSYM योजनेंतर्गत, तुम्ही जितके कमी वयात सामील व्हाल, तितकाच तुम्हाला जास्त लाभ मिळेल.
म्हणजेच, ज्यांचे वय 18 वर्षे आहे आणि ते या योजनेत सामील झाले तर, त्यांना फक्त 55 रुपये द्यावे लागतील.
याशिवाय वयाच्या 40 व्या वर्षी हा प्लॅन कोणी घेतला तर त्या लोकांना फक्त 300 रुपये मासिक द्यावे लागतील.
Web Title :- PM-SYM | invest in pradhan mantri shramyogi mandhan scheme for getting 36000 per year
Join our WhatsApp Group, Telegram, facebook page and Twitter for every update