पुणे : पोलीसनामा ऑनलाईन – पुणे महानगर परिवहन महामंडळ (पीएमपीएमएल) आता माजी सैनिकांच्या पत्नी व विधवांना आधार देण्यासाठी या महिलांच्या बचत गटांकडून सुमारे ४० बस भाडेतत्त्वावर घेण्यात येणार आहे. या विषयीचा प्रस्ताव बुधवारी झालेल्या पीएमपीएमएलच्या संचालक मंडळाच्या बैठकीत मंजूर करण्यात आला, अशी माहिती महापौर मुक्ता टिळक व पीएमपीचे संचालक सिध्दार्थ शिरोळे यांनी पत्रकार परिषदेत दिली. यावेळी स्थायी समितीचे अध्यक्ष सुनील कांबळे उपस्थित होते.
केंद्र व राज्य स्तरावर माजी सैनिकांसाठी असलेल्या कल्याण निधीतुन महिला बचत गटांना या बस घेता येणार आहे .पीएमपीएमएलच्या संचालक मंडळाच्या बैठकीत घेण्यात आलेल्या निर्णयाची माहिती देण्यासाठी पत्रकार परिषद आयोजित करण्यात आली होती. यावेळी महापौर मुक्ता टिळक यांनी सांगितले की, महाराष्ट्रात दोन लाखांपेक्षा जास्त माजी सैनिक असून, यांपैकी ३० टक्के माजी सैनिकांच्या विधवा आहेत.
या महिलांच्या बचत गटाच्या माध्यमातून त्यांचे सक्षमीकरण करण्याच्या मुळ उद्देशाने बुधवारी झालेल्या संचालक मंडळाच्या बैठकीत या महिला बचत गटांच्या ४० बसेस पीएमपीएमएल भाडेतत्त्वावर घेईल असा प्रस्ताव मान्य करण्यात आला आहे. यामुळे विधवा व माजी सैनिकांचे पुनर्वसन होण्यास हातभार लागेल व माजी सैनिकांना रोजगार निर्मिती होण्यासाठी देखील मदत होईल असेही त्यांनी यावेळी सांगितले.
माजी सैनिकांच्या पत्नी व विधवांच्या बचत गटाकडून घेण्यात येणा-या बसेस या निविदा प्रक्रियेतील सर्व अटी, शर्ती लागू करूनच घेण्यात येणार आहेत. या भाडेतत्त्वावर घेण्यात आलेल्या बसेस मध्ये माजी सैनिक हे चालक म्हणून तर माजी सैनिकांच्या पत्नी अथवा विधवा या वाहक म्हणून कार्यरत असतील असे सिद्धार्थ शिरोळे यांनी यावेळी सांगितले.
महत्वाच्या बातम्या
४ हजार रुपयाची लाच घेताना महिला पोलीस उपनिरीक्षक अ‍ॅन्टी करप्शनच्या जाळ्यात
बायकोच बोलणं ऐकायला लागू नये म्हणून केलं बहिरेपणाचं नाटक , ६२ वर्षांनतर पत्नी कोर्टात …
मोदींच्या ‘या’ घोषणेचे काय झाले ? – शरद पवार
संभाजी मालिकेवर आक्षेप घेणारा शिवभक्त असू शकत नाही- अमोल कोल्हे
कार्तिक-साराचा किसिंगचा व्हिडिओ होतोय प्रचंड व्हायरल