शरद पवारांविषयी बेताल वक्तव्य करणाऱ्या चारोळीकारांचा अखेर माफीनामा 

खूप जणांनी संपर्क साधला …. 24 तास वाट बघूया
माफी मागितली नाहीतर ह्या गोखलेचा कार्यक्रम करूया @PuneCityPolice https://t.co/MtLHTzF8ih

— Dr.Jitendra Awhad (@Awhadspeaks) May 1, 2019

भाजपने बारामतीची जागा जिंकल्यास लोकांचा निवडणूक प्रक्रियेवरील विश्वास उडेल. असा दावा शरद पवार यांनी एका मराठी वृत्तवाहिनीला दिलेल्या मुलाखतीदरम्यान केला  होता. यासंदर्भातली बातमी वाचून या बातमीच्या खाली चारोळीकार चंद्रशेखर गोखले यांनी शरद पवार यांच्याबद्दल आक्षेपार्ह कमेंट केली होती. त्यानंतर राष्ट्रवादीचे नेते जितेंद्र आव्हाड यांनीही याबाबत ट्वीट करत चंद्रशेखर गोखले यांनी माफी मागावी, अशी मागणी केली होती. तसेच सोशल मीडियावर अनेकांनी संताप व्यक्त केला होता.

‘बारामती जिंकण्याच्या भाजपच्या दाव्यानंतर शरद पवारांचं धक्कादायक विधान’ असा संबंधित बातमीचा मथळा होता. त्यावर ‘मी वाचलं धक्कादायक निधन देव त्यांच्या आत्म्याला सॉरी सॉरी देव त्यांना उदंड आयुष्य देवो’ असं भाष्य चंद्रशेखर गोखले यांनी केलं होतं.

गोखले यांचा माफीनामा

त्यानंतर, ‘मी चंद्रशेखर गोखले मनापासून तुम्हा सर्वांची क्षमा मागतो. पवार साहेबांबद्दल असे विधान करायची खरच मला गरज नव्हती तरी माझ्या हातून ही आगळीक घडली प्लीज समजून घ्या’ अशा शब्दात चंद्रशेखर गोखलेंनी बुधवारी रात्री माफी मागितली.