हृदयविकाराच्या धक्क्याने पोलीस हवालदाराचा ‘ऑन ड्युटी’ मृत्यू
अमरावती : पोलीसनामा ऑनलाइन – ऑन ड्युटी असलेल्या पोलीस हवालदाराचा हृदयविकाराच्या धक्क्याने मृत्यू झाल्याची घटना घडली आहे. अंबिकाप्रसाद बद्रिप्रसाद यादव (वय-48 रा. पोलीस क्वॉर्टर) असे मृत्यू झालेल्या पोलीसाचे नाव आहे. यादव हे गाडगेनगर पोलीस ठाण्यात कर्यरत होते. काही दिवसांपूर्वीच ते वाहतूक शाखेतून बदली होऊन गाडगेनगर पोलीस ठाण्यात हजर झाले होते.
अंबिकाप्रसाद यादव चार वर्षापासून वाहतूक शाखेत कर्तव्यावर होते. महिन्याभरापूर्वी त्यांची बदली गाडगेनगर पोलीस ठाण्यात झाली. रविवारी रात्री पोलीस ठाण्यात कर्तव्य बजावत असताना पहाटे साडेपाचच्या सुमारास अचानक त्यांच्या छातीत दुखायला लागले. त्यावेळी पोलीस ठाण्यात असलेल्या पोलीस कर्मचाऱ्यांनी त्यांना तात्काळ खासगी रुग्णालयात उपचारासाठी दाखल केले. त्यांच्यावर अतिदक्षता विभागात उपचार सुरु असताना दुपारी बाराच्या सुमारास त्यांचा मृत्यू झाला.
अंबिकाप्रसाद यांचा हृदयविकाराच्या झटक्याने मृत्यू झाल्याची शक्यता डॉक्टरांनी वर्तवली आहे. त्यांच्या पश्चात पत्नी, मुलगा आणि मुलगी असा परिवार आहे. त्यांचा मुलगा विशाल हा अमेरिका येथील कंपनीत आहे. तो मंगळवारपर्यंत अमरावतीमध्ये येणार असून त्यानंतर त्यांच्यावर अंत्यसंस्कार करण्यात येणार असल्याचे सांगण्यात आले आहे. त्यांच्या मृत्यूने पोलीस वर्तुळात शोककळा पसरली आहे.
यादव यांची गाडेगेनगर पोलीस ठाण्यात यापूर्वी दोनवेळा बदली झाली होती. गाडगेनगर पोलीस ठाण्यात कामाचा प्रचंड ताण असल्याचे यादव यांच्या सहकाऱ्यांना सांगितले होते. त्यांनी बदलीसाठी वरिष्ठांची भेट घेतली होती. त्यावेळी त्यांना दोन महिने थांबण्यास सांगितले होते. कामाचा वाढता तणावामुळे ते मानसिक तणावात असल्याचे गाडगेनगर पोलीस ठाण्यात चर्चा सुरु आहे.
- तोंडामध्ये दिसणारे ‘हे’ ५ संकेत सांगतात, तुम्हाला कँसर तर नाही ना
- झोपण्याच्या अर्धा तासापूर्वी प्या खजूरचे दूध, होतील ‘हे’ ५ जबरदस्त फायदे
- ‘पॉप कॉर्न’ खाल्ले तर कधीही होणार नाहीत ‘हे’ आजार, ‘हे’ आहेत ८ फायदे
- ‘बेकिंग पावडर’ने मारु शकता घरातील सर्व झुरळ, वाचा ४ सोप्या पद्धती
- सावधान ! जीवघेणे आहे वायुप्रदूषण, होऊ शकतात अनेक आजार, असा करा बचाव
- १५ दिवस अगोदरच मिळतात ‘हार्ट फेल्युअर’चे ६ संकेत, दुर्लक्ष करू नका
- हार्ट अटॅक, कार्डियक अरेस्ट आणि हार्ट फेल्युअरमधील फरक माहित आहे का ?
- अशी आहे सकाळी उठण्याची योग्य पद्धत, होतात ‘हे’ ४ फायदे
- रात्री झोपण्यापूर्वी खा फक्त २ ‘विलायची’, सकाळी पाहा याची ‘कमाल’
- झोपण्यापूर्वी प्या १ ग्लास ‘गरम पाणी’, जाणून घ्या होतात ‘हे’ ६ फायदे