ट्रकच्या धडकेत पोलीस कर्मचाऱ्याचा मृत्यू

पोलीसनामा ऑनलाइन टीम  –  हिंगोली शहरापासून काही अंतरावर असलेल्या गारमाळ परिसरात ट्रकच्या धडकेत पोलीस कर्मचाऱ्याचा मृत्यू झाला आहे. सदर घटना 22 जुलै रोजी सकाळी 10 वाजेच्या सुमारास घडली. हनुमंत विष्णू मुरटे, असे मृत पोलीस कर्मचाऱ्याचे नाव आहे. गारमाळ येथे नांदेडवरून वाशिमकडे जाणाऱ्या ट्रकची आणि दुचाकीची (एम. एच. 24 बी एफ 4503) समोरा समोर धकड होऊन पोलीस कर्मचारी मुरटे यांचा दुर्दैवी मृत्यू झाला.

घटनेची माहिती मिळताच शहर पोलीस ठाण्याचे पोलीस कर्मचारी घटनास्थळी दाखल झाले होते. पोलिसांनी महामार्गावरील वाहतूक सुरळीत केली. खिशात आधार कार्ड सापडल्याने पोलीस कर्मचारी मुरटे यांची ओळख पटली. मुरटे हे कोकळगाव येथील रहिवासी असल्याची माहिती हिंगोली शहर पोलिसांनी दिली.