PPF अकाउंटवर सुद्धा घेऊ शकता लोन, जाणून घ्या काय आहेत नियम आणि अटी
नवी दिल्ली : वृत्तसंस्था – PPF ही अनेक बाबतीत आकर्षक दीर्घकालीन गुंतवणूक योजना आहे. तुम्ही पीपीएफमध्ये गुंतवणूक करत नसाल तर तुम्ही त्यात गुंतवणूक करण्याचा विचार करू शकता. फिक्स्ड रिटर्न इन्व्हेस्टमेंटमध्ये PPF वर सर्वाधिक व्याजदर आहे. दुसरे, त्यात गुंतवणूक केल्यावर तुम्हाला प्राप्तीकर कायद्याच्या कलम 80सी अंतर्गत कर लाभ देखील मिळतात. तिसरे, तुम्ही पीपीएफमध्ये जमा केलेल्या तुमच्या पैशांवर कर्जही घेऊ शकता.
तुम्ही तुमचे पीपीएफ खाते (PPF Account In Post Office) पोस्ट ऑफिस किंवा बँकेत उघडू शकता. इच्छा असल्यास एका वर्षात खात्यात एकरकमी जमा करू शकता किंवा दरमहा काही पैसे त्यात ठेवू शकता. एका आर्थिक वर्षात PPF खात्यात किमान 500 रुपये गुंतवावे लागतील. एका आर्थिक वर्षात खात्यात जास्तीत जास्त 1.5 लाख रुपये गुंतवू शकता. (PPF)
PPF खाते 15 वर्षांत मॅच्युअर होते. परंतु, पाच वर्षांच्या ब्लॉकमध्ये मॅच्युरिटी कालावधी वाढवू शकता. विस्तारित कालावधी दरम्यान, खात्यात जमा केलेल्या पैशांवर व्याज मिळत राहील.
पीपीएफ खात्यावर कर्जाची सुविधाही उपलब्ध आहे. जर अचानक कोणत्याही कारणाने पैशांची गरज भासली तर पीपीएफ खात्यावर कर्ज घेऊ शकता.
पीपीएफ खाते उघडल्यानंतर तिसर्‍या आर्थिक वर्षापासून कर्ज घेता येते. ही कर्ज सुविधा योजनेच्या सहाव्या आर्थिक वर्षापर्यंत उपलब्ध असेल.
कर्जासाठी अर्ज करण्याच्या तारखेच्या लगेच आधी दुसर्‍या आर्थिक वर्षाच्या शेवटी खात्यात जमा केलेल्या एकूण रकमेच्या जास्तीत जास्त 25 टक्के कर्ज घेऊ शकता. हे उदाहरणाच्या मदतीने समजून घेवूयात. जर 2012-13 या आर्थिक वर्षात कर्जासाठी अर्ज केला तर 31 मार्च 2011 पर्यंत खात्यात जमा झालेल्या रकमेच्या 25 टक्के रक्कम कर्ज म्हणून घेता येईल.
या कर्जाचा व्याजदर PPF वर मिळणार्‍या व्याजदरापेक्षा फक्त 1% जास्त आहे.
हे उदाहरणाच्या मदतीने सहज घ्यायचे तर सध्या पीपीएफचा व्याजदर 7.1% आहे.
त्यामुळे कर्ज घेतल्यास व्याजदर 8.1 टक्के असेल.
कर्ज मंजूर झाल्यापासून 36 महिन्यांच्या आत कर्जाची रक्कम परत करावी लागेल.
हवे असल्यास, कर्जाचे पैसे एकरकमी किंवा 36 महिन्यांच्या कालावधीत हप्त्यांमध्ये परत करू शकता.
हवे असल्यास तुम्ही मासिक हप्त्यांमध्येही परतफेड करू शकता.
Web Title :- PPF | ppf you can take loan against your ppf account know its term and conditions
Join our WhatsApp Group, Telegram, facebook page and Twitter for every update
Arvind Sawant | आधी ‘पटक देंगे’ म्हटलं आणि नंतर अमित शाह मातोश्रीवर आले, शिवसेनेचा पलटवार
High Cholesterol | दूध पिण्याने वाढते ट्रायग्लिसराईड का? येथे जाणून घ्या कोलेस्ट्रॉलचे पूर्ण गणित