क्राईम स्टोरीताज्या बातम्या

Corona Virus : ‘कोरोना’ व्हायरसवरून ‘प्रॅन्क’ करणं पडलं महागात, 5 वर्ष तुरुंगवासाची शिक्षा (व्हिडीओ)

corona

नवी दिल्ली : वृत्तसंस्था – चीनमधील प्राणघातक कोरोना विषाणूमुळे परिसरात भीतीचे वातावरण असले तरी काही लोकांसाठी ते प्रॅन्क आणि लोकांना घाबरवण्याचे एक साधन बनले आहे. रशियामध्ये, एका प्रॅन्कस्टारला कोरोना विषाणूच्या सहाय्याने प्रॅन्क बनविणे महागात पडले आहे. सार्वजनिक ठिकाणी लोकांना त्रास देण्याच्या आरोपाखाली या युवकास 5 वर्ष तुरूंगवासाची शिक्षा आणि 5.5 लाख (5 लाख रुबल) दंड ठोठावण्यात आला आहे. रशियाचा हा व्हिडिओ सोशल मीडियावर मोठ्या प्रमाणात व्हायरल होत आहे.

चीनमध्ये पसरलेल्या प्राणघातक कोरोना विषाणूशी संबंधित एक प्रॅन्क व्हिडिओ सोशल मीडियावर मोठ्या प्रमाणात व्हायरल होत आहे. खोट्या साइटवरील हा व्हिडिओ आता काढला गेला आहे. हा व्हिडिओ बनवणाऱ्या स्टारला पोलिसांनी अटक केली आहे. या प्रकरणातील आरोपी विद्यार्थ्याच्या इतर दोन साथीदारांचा शोध पोलिस घेत आहेत, ज्यांनी हा व्हिडिओ तयार करण्यात मदत केली.

या व्हिडिओमध्ये हा, एक तरुण मेट्रोच्या आत लोकांच्या समोर पडतो. यानंतर तरुण तिथे पोहोचतो आणि जोरात कोरोना- कोरोना म्हणुन ओरडतो. या युवकाच्या प्रॅन्कमुळे संपूर्ण मेट्रोत भीतीचे पसरते, ज्यामुळे मेट्रोमधील अन्य लोक तेथून पळून जाऊ लाजतात.

प्रॅन्क बनविलेल्या युवकाच्या वकिलांनी सांगितले कि, पोलिसांनी त्याच्या अशिलाविरुद्ध वॉरंट काढले आहे. त्यानंतर त्याने सरेंडर केले. त्याने असा विचारही केला नव्हता की, त्याची छोटी गंमत लोकांसाठी मोठं संकट बनेल. तो फक्त लोकांना सावध करू इच्छित होता.