पोलीसनामा ऑनलाईन : कोरोना विषाणूमुळे देशात लांबलचक लॉकडाउन लादण्यात आले होते. एक असे लॉकडाउन जिथे अनेक निर्बंध होते. पण त्या काळात लोकांनी स्वत: ला आत्मनिर्भर बनविले होते. बॉलिवूड सेलिब्रिटींनी सोशल मीडियावर स्वतःचे केस कापण्याचा वेगळा ट्रेंड सुरू केला. प्रत्येकजण सतत सोशल मीडियावर असे व्हिडिओ शेअर करत होता.
प्रीती बनली प्रोफेशनल हेअर ड्रेसर ?
आता लॉकडाउन संपले आहे पण स्वतः केस कापण्याचा ट्रेंड अजूनही चालू आहे. याचे सर्वात मोठे उदाहरण म्हणजे अभिनेत्री प्रीती झिंटा. जी तिचा नवरा जीन गुडइनफसाठी फ्रोफेशनल हेअर ड्रेसर बनली आहे. प्रीतीने सोशल मीडियावर एक व्हिडिओ शेअर केला आहे. व्हिडिओमध्ये ती अत्यंत प्रोफेशनल स्टाइलने नवऱ्याचे केस कापत होती. तो व्हिडिओ सामायिक करताना प्रीतीने लिहिले – मला हे माहित आहे की हेयरड्रेसिंग माझे भविष्य आहे. माझ्या पतीने माझ्याकडून दुसऱ्यांदा केस कापून घेतले. प्रीती झिंटाचा हा व्हिडिओ सोशल मीडियावर मोठ्या प्रमाणात व्हायरल होत आहे. फॅन्स प्रीतीच्या या टॅलेन्टने बर्‍यापैकी प्रभावीत झाल्याचे दिसत आहेत. त्याचवेळी एका वापरकर्त्याच्या प्रश्नावर प्रीतीने असेही म्हटले की, हे तिचे कोरोना टॅलेंट आहे.
लॉकडाउनमध्ये सुरु आहे नवीन ट्रेंड
दरम्यान, घरी बसून केस कापण्याचा ट्रेंड काही महिन्यांपूर्वी अनुष्का शर्माने सुरु केला होता. तिने नवरा आणि भारतीय क्रिकेट संघाचा कर्णधार विराट कोहलीला नवीन हेअर कट दिला होता. तिच्या या एका व्हिडिओनंतर असा ट्रेंड बनला की, अभिनेता असो वा नेता, प्रत्येकाने घरात ना केवळ घरीच केस कापले तर व्हिडिओ सोशल मीडियावर शेअरही केले आहेत. दरम्यान, प्रीती झिंटाच्या वर्क फ्रंटबद्दल बोलायचे झाल्यास ती बॉलिवूड चित्रपटांमध्ये बऱ्याच दिवसांपासून दिसली नाही. जरी तिने तिच्या कारकीर्दीत बर्‍याच सुपरहिट चित्रपटांमध्ये काम केले आहे, परंतु सध्या ती तिच्या पतीसमवेत घरात क्वालिटी टाइम घालवत आहे.