‘जो बिडेन’ यांनी ‘शी जिनपिंग’च्या शरीरात कोणते ‘हाड’ नसण्याचा उल्लेख केला ? जाणून घ्या

नवी दिल्ली : वृत्तसंस्था – अमेरिकेचे अध्यक्ष जो बिडेन यांनी म्हटले आहे की, चीनचे अध्यक्ष शी जिनपिंग यांच्या शरीरात राजकीय ‘हाडांचा’ अभाव आहे. तथापि, बिडेन यांनी असेही म्हटले आहे की दोन्ही देशांमध्ये वाद टाळता येऊ शकतात. बिडेन यांनी अमेरिका-चीन धोरण पुन्हा सेट करण्याचे संकेत देखील दिले.

सीबीएसला दिलेल्या मुलाखतीत बायडेन जिनपिंग यांच्याबाबत म्हटले की- “ते खूप वेगवान आहेत. खूप कठोर देखील आहेत. मी हे टीका म्हणून म्हणत नाही, परंतु वास्तविकता अशी आहे की त्यांच्या शरीरात राजकीय हाडे नाहीत. पण गोष्ट अशी आहे की माझ्या मतानुसार आम्हाला वादात पडायची गरज नाही.”

अमेरिका आणि चीन यांच्यातील व्यापार आणि अन्य धोरणांविषयी बिडेन म्हणाले- “जोरदार स्पर्धा होणार आहे. परंतु त्यांना (जिनपिंग) माहित आहे त्याप्रमाणे मी ते करणार नाही. मी याला तसे देखील नाही करणार जसे ट्रम्प यांनी केले. आम्ही आंतरराष्ट्रीय नियमांवर लक्ष केंद्रित करणार आहोत.”

बराक ओबामा यांच्या कार्यकाळात उपाध्यक्ष म्हणून बायडेन यांनी अनेकदा शी जिनपिंग यांची भेट घेतली आहे. पण आतापर्यंत जिनपिंग यांना फोन का नाही केला, असे विचारले असता बिडेन म्हणाले की अशी कोणतीही संधी आली नाही. त्यांच्याशी न बोलण्याचे दुसरे कोणतेही कारण नाही.

बिडेन म्हणाले की जिनपिंगला ते चांगल्यापैकी ओळखतात कारण त्यांनी त्यांच्यासोबत 24 ते 25 तास खासगी भेट घेतली आहे. बिडन म्हणाले की, त्यांनी जिनपिंगबरोबर 27 हजार किमीचा प्रवासही केला आहे. हे माहित असावे की बायडेन चीनशी संबंध सुधारण्याचा प्रयत्न करीत आहेत आणि या संदर्भातच बायडेन या गोष्टी बोलत आहेत. यापूर्वी ट्रम्प यांच्या कार्यकाळात दोन्ही देशांमधील संबंध बर्‍यापैकी खराब झाले होते.