पंतप्रधान मोदींनी ऐकले नाही आरोग्य तज्ञांचे म्हणणे , 70 दिवसांनंतर लॉकडाऊन ‘अनलॉक’ करण्याचा घेतला निर्णय
file photoनवी दिल्ली : वृत्तसंस्था – केंद्रीय आरोग्य मंत्रालय आणि तज्ज्ञांच्या सल्ल्याकडे दुर्लक्ष करून पंतप्रधान नरेंद्र मोदी यांनी 70 दिवसांचा कठोर लॉकडाऊन अनलॉक करण्याचा निर्णय घेतला आहे. मिळालेल्या माहितीनुसार, आरोग्य मंत्रालयासह पंतप्रधान टास्कफोर्समधील सदस्यांनी व तज्ञांनी त्यांना लॉकडाऊनमध्ये विश्रांती घेण्याच्या दुष्परिणामांची जाणीव करून दिली होती. पीएम टास्क फोर्सचे अध्यक्ष डॉ. व्हीके पॉल असोत किंवा एम्सचे संचालक डॉ. रणदीप गुलेरिया असोत किंवा आरोग्य मंत्रालय असो, कोणीही सूट देण्याच्या बाजूने नव्हते. परंतु पंतप्रधानांनी हळू हळू लॉकडाऊन उघडण्याच्या बाजूने असलेल्या आपल्या सहकाऱ्यांचे ऐकले.
ते म्हणाले की, हा कोट्यावधी लोकांचा विशेषत: गरीबांचा जगण्या- मारण्याचा प्रश्न आहे. नागरी उड्डयन व नगरविकास मंत्री हरदीप पुरी म्हणाले की, जर आरोग्य तज्ञांवर विश्वास ठेवला तर ते कधीही लॉकडाऊन उघडू देणार नाहीत. पण देशाला चालू ठेवावा लागेल, हे सरकारच्या लक्षात आलं. ते म्हणाले की, “मी जास्त बोलू शकत नाही कारण मी स्वत: जीओएमचा भाग आहे”. दरम्यान, पुरी हे त्या मंत्र्यांच्या गटातील एक भाग आहेत, जे लॉकडाऊन हळूहळू उघडण्याची शिफारस करत आहे. त्याच्या प्रयत्नांमुळे गेल्या महिन्यात विमानचालन क्षेत्र पुन्हा सुरू झाले. विमानात मधली जागा सोडण्याची व्यवस्था अचानक का बदलण्यात आली, असे विचारले असता पुरी म्हणाले की, देश कायम संभ्रमाच्या स्थितीत राहू शकत नाही. प्रत्येकाने आपला बचाव करावा लागेल.
असे दिसते की, पंतप्रधानांनी काहीच लोकांचे ऐकले. यात केंद्रीय गृहमंत्री अमित शहा, भाजप अध्यक्ष जे.पी. नड्डा, नितीन गडकरी, निर्मला सीतारमण आणि हरदीप पुरी यांचे म्हणणे ऐकून अनलॉक 1.0 लागू केले. पंतप्रधान टास्क फोर्सचे अध्यक्ष डॉ. व्ही. पॉलने म्हंटले कि, गेल्या आठवड्यात अधिकृतपणे दाखविले गेले कि, कश्या प्रकारे संसर्गाची प्रकरणे 14 लाख ते 29 लाखांच्या दरम्यान पोहोचू शकते आणि मृत्यूची प्रकरणेही 37 हजार ते 78 हजारांपर्यंत पोहोचू शकतात. त्यांनीं काही तज्ज्ञांचा हवाला देत म्हंटले कि, कोविड- 19 संक्रमित रुग्णांची संख्या 75 लाख किंवा त्याहून अधिक पोहोचू शकते.