Protein Shake Side Effects | प्रोटीन शेक पिण्यापूर्वी लक्षात ठेवा ‘या’ 9 गोष्टी, अन्यथा पडू शकते महागात
file photoआरोग्यनामा ऑनलाइन टीम – चांगले आरोग्य (Good Health) आणि वजन कमी (Weight Loss) करण्यासाठी प्रोटीन शेकचे सेवन खूप फायदेशीर मानले जाते. पण असे म्हणतात की प्रत्येक गोष्टीचे फायदे आणि तोटे दोन्ही असतात (Protein Shake Side Effects). त्यामुळे जर तुम्ही चुकीच्या पद्धतीने प्रोटीन शेक (Protein Shake) घेत असाल तर ते तुमच्यासाठी हानिकारकही ठरू शकते. बरेच लोक प्रोटीन शेक घेण्यास सुरुवात करतात परंतु त्यांना किती प्रमाणात आणि कोणत्या वेळी प्रोटीन घ्यावे हे माहित नसते (Protein Shake Side Effects).
अनेकांना हे देखील माहिती नसते की कोणत्या आजारांमध्ये प्रोटीन शेक घेणे हानिकारक ठरू शकते. जिममध्ये जाणारे बहुतेक लोक प्रोटीन शेक घेतात, परंतु शेक घेण्यापूर्वी त्यांच्याकडून काही चुका होतात. अशा स्थितीत, आज आम्ही तुम्हाला प्रोटीन शेक घेण्यापूर्वी कोणत्या गोष्टी लक्षात ठेवाव्यात हे सांगणार आहोत, अन्यथा नुकसान होऊ शकते (Protein Shake Side Effects).
प्रोटीन शेक घेण्यापूर्वी या गोष्टींची घ्या विशेष काळजी (Take Special Care Of These Things Before Taking A Protein Shake) –
1. प्रोटीन पावडरमध्ये साखर टाकलेली नाही याची खात्री करा. कारण यामुळे प्रोटीनसह तुमचे कार्बोहायड्रेटचे (Carbohydrate) सेवन वाढेल.
2. चुकीच्या पद्धतीने प्रोटीन शेक घेणे तुमच्यासाठी हानिकारक ठरू शकते. प्रोटीन शेक जास्त प्रमाणात घेतल्यास डिहायड्रेशनची समस्या (Dehydration Problem) उद्भवू शकते. त्यामुळे प्रोटीन शेक घेताना प्रमाणाची काळजी घेणे गरजेचे आहे.
3. दुधात प्रोटीन मिसळून पिणे तुमच्यासाठी हानिकारक ठरू शकते. वजन कमी करण्यासाठी, प्रोटीन पावडर पाण्यात मिसळा आणि शेक म्हणून प्या.
4. प्रोटीन शेकमध्ये प्रोटीन पावडरच्या प्रमाणाची विशेष काळजी घ्या. जर तुम्ही हेवी एक्सरसाईज करत असाल तर 2 स्कूप प्रोटीन पावडर पाण्यात मिसळा पण जर तुमची शारीरिक हालचाल कमी असेल तर फक्त एक स्कूप प्रोटीन पावडर (Protein Powder) घाला.
5. बाजारात अनेक प्रकारची प्रोटीन पावडर उपलब्ध आहे. अशावेळी तुमच्या गरजेनुसार प्रोटीन पावडरची तपासणी करूनच निवड करा. असे बरेच प्रोटीन शेक आहेत ज्यात अतिरिक्त कार्ब्ज आणि कॅलरीज (Carbs and Calories) असतात जे तुमचे वजन कमी करण्याऐवजी वाढवू शकतात. याशिवाय, याचा तुमच्या स्नायूंच्या वाढीवरही परिणाम होऊ शकतो.
6. प्रोटीन शेक घेण्याची वेळ खूप महत्वाची आहे. प्रोटीन शेक तुमच्या व्यायामानंतर लगेचच घ्यावा. व्यायामानंतर प्रोटीन शेक घेतल्याने शरीराला ऊर्जा (Energy) मिळते आणि चरबी विरघळते.
7. ज्यांच्याकडे सकाळचा वेळ कमी असतो त्यांच्यासाठी प्रोटीन शेक हा एक सोपा आणि चांगला नाश्ता पर्याय असू शकतो.
8. जर एखाद्याला किडनीच्या समस्येने (Kidney Problems) ग्रासले असेल तर त्यांनी अतिरिक्त प्रोटीन घेऊ नये.
कारण त्यामुळे त्यांच्या किडनीची समस्या वाढू शकते.
9. प्रोटीन शेकच्या जास्त सेवनामुळे लिव्हरमध्ये सूज येऊ शकते.
त्यामुळे लिव्हरशी संबंधित कोणतीही समस्या (Liver Problems) असल्यास तज्ञांचा सल्ला घेतल्यानंतरच प्रोटीन शेकचे सेवन करा.
(Disclaimer : वरील लेखामध्ये सांगितलेले विधी, पध्दती आणि दाव्यांचं आम्ही कुठलंही समर्थन करत नाही. त्यांना केवळ सल्ला म्हणून घ्यावं. अशा पध्दतीच्या कोणत्याही उपचार / औषध / आहारावर अंमल करण्यापुर्वी डॉक्टरांचा सल्ला घेणे आवश्यक आहे.)
Web Title :- Protein Shake Side Effects | side effects of protein shake keep these point in mind before drinking protein shake otherwise can be harmfull
Join our WhatsApp Group, Telegram, facebook page and Twitter for every update
Summer Desi Drinks | केवळ ‘हे’ 2 देशी ड्रिंक्स पिऊन शरीर ठेवा थंड आणि हेल्दी; जाणून घ्या