Pune Accident News | पुण्यातील कर्वेनगर उड्डाणपुलावर दुचाकी कठड्याला धडकून दोघे ठार
File Photo
Share
पुणे : Pune Accident News | कर्वेनगर येथील उड्डाण पुलावरुन भरधाव दुचाकीचे नियंत्रण सुटल्याने दुचाकी पुलाच्या कठड्याला धडकून त्यात दोन तरुण ठार झाले. शंकर इंगळे (वय २७) आणि सलील ईस्माईल कोकरे (वय २०, दोघे रा. वारजे माळवाडी) अशी मृत्यु पावलेल्या दोघांची नावे (Pune Accident News) आहेत.
हा अपघात कर्वेनगर उड्डाणपुलावर बुधवारी रात्री साडेअकरा वाजता घडला. शंकर इंगळे आणि सलील कोकरे हे रात्री उशिरा दगडुशेठ हलवाई गणपतीचे दर्शन घेण्यासाठी निघाले होते. वेगाने जात असताना कर्वेनगर येथील उड्डाणपुलावरील वळणावर त्याचे दुचाकीवरील नियंत्रण सुटले. दुचाकी पुलाच्या कठड्याला धडकली. त्यात दोघांचा जागीच मृत्यु झाला. अपघाताचा आवाज ऐकून पोलिसांनी घटनास्थळी धाव घेतली. परंतु, तोपर्यंत दोघांचा मृत्यु झाला होता.