Pune Airport | 15 दिवसांनंतर पुण्याच्या लोहगाव विमानतळावरून विमानसेवा सुरू
पुणे : पोलीसनामा ऑनलाइन – Pune Airport | जवळपास पंधरा दिवसाच्या विश्रांतीनंतर पुन्हा पुण्याहून (Pune Airport) विमानसेवा सुरू झाली आहे. लोहगाव विमानतळांवरून (lohegaon) आज (शनिवारी) सकाळी 8 वाजल्यापासून विमानांच्या उड्डाणास सुरुवात झाली आहे. आज दिवसभरात 52 विमानांची उड्डाणे होणार आहेत. तर साधारण तेवढीच विमाने लोहगाव विमानतळावर दाखल होणार आहेत.
पंधरा दिवसानंतर उड्डाण सेवा सुरू झाल्या असल्या तरी तिकिटाचे दर वाढले आहेत. पुणे ते नागपूर तिकिटाचे दर 21 हजार रुपयांपर्यंत गेले आहे. दरम्यान, आजपासून विमानसेवा पुन्हा सुरू झाली आहे. तर, विमानतळ प्रशासनाने शनिवारपासूनच विंटर शेड्युलही (Winter schedule) लागू केला आहे. 15 दिवसांनंतर शनिवारपासून विमानसेवा सुरू होत असल्याने शुक्रवारी विमानतळावर गर्दी झाली होती. रात्री आठ वाजेपर्यंत विमांनाचे वेळापत्रक ठरले नव्हते. शनिवारपासून पुणे विमानतळाचा (Pune Airport) विंटर वेळापत्रक सुरू होत असल्याने त्याचे अतिरिक्त नियोजन करावे लागत आहे.
दरम्यान, विंटर शेड्युलमध्ये पुण्याहून उड्डाण करणाऱ्यांच्या विमानांच्या संख्येत वाढ होत आहे.
विमानतळ प्रशासनाने हे अजुन जाहीर केले नाही, तरीही जयपूर, दिल्ली, बेंगळुरू,
हैदराबाद आदी शहरांना जाणाऱ्या विमानाच्या संख्येत वाढ होण्याची शक्यता आहे.
Web Title :- Pune Airport | pune international airport start from today
Join our WhatsApp Group, Telegram, facebook page and Twitter for every update
Chandrakant Patil | ‘मला आमदारकी नितीन गडकरींमुळे मिळाली, सरकार असताना जे मिळालं ते अमित शाहांमुळं’