पुणे पोलीसनामा ऑनलाइन – परदेशी चलनाची लॉटरी लागल्याचे सांगत सायबर चोरट्याने महिलेकडून साडेबारा लाख रुपये उकळले आहेत. ११ जून ते १२ जुलै 2019 कालावधीत हा प्रकार घडला आहे.
याप्रकरणी दीपिका महाडिक (वय ३५, रा. बालेवाडी ) यांनी चतु:शृंगी पोलिस ठाण्यात फिर्याद दिली आहे. त्यानुसार अज्ञात व्यक्तीविरोधात गुन्हा दाखल करण्यात आला आहे.
पोलिसांनी दिलेल्या माहितीनुसार, दीपिका एका खासगी कंपनीत कामाला असून बालेवाडीत राहायला आहे. त्यांना एका सायबर चोरट्याने ११ जूनला खोट्या मेल – आयडीवरुन परदेशी चलनाची लॉटरी लागल्याचा मेल पाठविला. त्यानुसार दीपिकाने संबंधित मेल आयडीवर पुन्हा मेल करुन माहिती घेतली. त्यावेळी सायबर चोरट्याने दीपिकाचा विश्वास संपादित केला. लॉटरीची रक्कम मिळविण्यासह कराच्या नावाखाली सायबर चोरट्याने दीपिकाकडून ऑनलाईनरित्या २५ हजार रुपये वर्ग करुन घेतले.
त्यानंतर दीपिकाला वेगवेगळी कारणे देत सायबर चोरट्याने महिन्याभरात तब्बल १२ लाख ४४ हजारांचा ऑनलाईन गंडा घातला. रक्कम जमा करुनही लॉटरीचे पैसे न मिळाल्याने फसवणूक झाल्याचे दीपिकाच्या लक्षात आले. त्यानुसार त्यांनी सायबर पोलीस ठाण्यात फिर्याद दिली. याप्रकरणी वरिष्ठ पोलीस निरीक्षक अनिल शेवाळे अधिक तपास करीत आहेत.
फेसबुक पेज लाईक करा – https://www.facebook.com/policenama/
- ‘हळदीच्या चहा’चे 4 प्रकार आणि 4 आश्चर्यकारक फायदे जाणून घ्या
- Blood Pressure : रक्तदाबावर उपाय सुचविणारे यंत्र, जाणून घ्या 4 महत्वाच्या गोष्टी
- तुमच्या घरातच असते 10 ते 30 टक्के अधिक प्रदूषण, जाणून घ्या माहिती
- आनंदी राहण्यासाठी ‘या’ 5 गोष्टी लक्षात ठेवा, जाणून घ्या ‘मानसशास्त्र’
- गोळ्यांपेक्षा नैसर्गिक पद्धतीने घ्या ‘ड जीवनसत्त्व’, या 7 गोष्टी लक्षात ठेवा
- आहारामध्ये ‘या’ 6 पदार्थांचा समावेश केल्यास टळेल स्तनाच्या कर्करोगाचा धोका !