Coronavirus : पुण्यात ‘कोरोना’च्या टेस्ट वाढल्या अन् झाला ‘उद्रेक’ ! गेल्या 24 तासात 1416 नवे पॉझिटिव्ह, जाणून घ्या इतर आकडेवारी
पुणे : पोलीसनामा ऑनलाइन – कोरोनाचा व्हायरसचा प्रादुर्भाव दिवसेंदिवस वाढत आहे. प्रादुर्भाव कमी करण्यासाठी पुणे शहर, पिंपरी-चिंचवड आणि जिल्हयातील हवेली, मुळशी तालुक्यासह इतर काही गावांमध्ये कडक लॉकडाऊन जाहीर करण्यात आला आहे. आज लॉकडाऊनचा दुसरा दिसता होता. दरम्यान, गेल्या 24 तासात कोरोनाचे 1416 नवे पॉझिटिव्ह रूग्ण हे केवळ पुणे शहरात आढळून आले आहेत. दिवसभरात कोरोनामुळं तब्बल 15 जणांचा मृत्यू झाला असून पुणे शहरात आतापर्यंत 889 जणांचा बळी कोरोनामुळं गेला आहे. दरम्यान, ॲंटिजेन किटद्वारे टेस्ट घेण्यात येत आहेत तसेच टेस्ट घेण्याची संख्या वाढवण्यात आली आहे.
पुणे शहरात अॅक्टिव्ह रुग्णांचा दहा हजारांहून अधिक झाला.
आज पुणे शहरात 1416 पॉझिटिव्ह रुग्ण आढळले. (त्यापैकी 451 अँटिजेन द्वारे).
मृत्यू 15पॉझिटिव्ह- ससून 26, नायडू 725, खाजगी 214
गंभीर रुग्ण 502
व्हेंटिलेटरवर 76
शहरातील ॲक्टिव्ह रुग्ण संख्या= 10,064#coronavirus #Pune #COVID19 pic.twitter.com/AITXQmvC3D— Smart Pune (@SmartPune) July 15, 2020
पुणे शहरात सध्या एकुण कोरोनाबाधितांची संख्या ही 30523 वर जावुन पोहचली आहे. त्यामध्ये सर्वात समाधानाची गोष्ट म्हणजे आतापर्यंत तब्बल 19570 रूग्ण हे उपचारानंतर बरे झाले असून त्यांना रूग्णालयातून डिस्चार्ज देण्यात आला आहे. आज दिवसभरात तब्बल 746 रूग्णांना डिस्चार्ज देण्यात आला आहे. आज आढळून आलेल्या नव्या पॉझिटिव्ह 1416 रूग्णांमध्ये ससून, नायडू आणि इतर खासगी रूग्णालयातील रुग्णांचा समावेश आहे. सध्या पुणे शहरात एकुण 10064 रूग्ण हे अॅक्टीव आहेत. त्यापैकी 502 रूग्ण हे क्रिटिकल असून त्यापैकी 76 रूग्ण हे व्हेंटिलेटरवरून उपचार घेत आहेत. गेल्या 24 तासात तब्बल 15 जणांचा मृत्यू झाल्याने आणि दिवसभरात 1416 कोरोनाचे नवे पॉझिटिव्ह आढळल्याने पुन्हा एकदा पुणेकरांच्या चिंतेत वाढ झाली आहे. नागरिकांनी विनाकारण घराबाहेर पडू नये असे आवाहन वेळावेळी स्थानिक आणि पोलिस प्रशासनाकडून करण्यात आले आहे.