Pune Crime Branch Police | वाहन चोरी प्रकरणातील संशयित दाम्पत्यानं गुन्हे शाखेच्या कर्मचार्याच्या हाताचा घेतला चावा
पुणे : पोलीसनामा ऑनलाइन – Pune Crime Branch Police | वाहन चोरी प्रकरणात संशयित असलेल्या दाम्पत्याला चौकशीसाठी कार्यालयात घेऊन जात असताना या दाम्पत्याने पुणे गुन्हे शाखेच्या (Pune Crime Branch Police) एका कर्मचाऱ्याला मारहाण करत त्याच्या हाताला चावा घेतल्याचा प्रकार घडला आहे.
याप्रकरणी उद्धव एकनाथ भोसले (वय 35) याला अटक केली आहे. तर पत्नीला हजर राहण्याबाबत नोटीस बजावली आहे. याप्रकरणी लोणीकंद पोलीस ठाण्यात (Lonikand Police Station) गुन्हा दाखल करण्यात आला आहे. या घटनेत पोलीस कर्मचारी सचिन पवार हे जखमी झाले आहेत.
पोलिसांनी दिलेल्या माहितीनुसार, सचिन पवार पुणे गुन्हे शाखेच्या (Pune Crime Branch Police) युनिट सहामध्ये नेमणुकीस आहेत. दरम्यान युनिट सहाचे पथक वाहन चोरीचा तपास करत होते. यादरम्यान रविवारी त्यांना उद्धव भोसले व त्यांच्या पत्नी एक संशयित दुचाकी घेऊन जात असल्याचे दिसून आले. त्यामुळे त्यांनी त्यांना अडविले. पवार हे त्यांना संशयित म्हणून काल (रविवार, दि. 11 जुलै) सकाळी गाडीतून कार्यालयात घेऊन जात होते.
Join our Whatsapp Group, Telegram, facebook page and Twitter for every update
यावेळी दोघांनी सरकारी कामात अडथळा निर्माण करत त्यांना धक्काबुक्की केली. तसेच, त्यांना शिवीगाळ केली. तर उद्धव यांच्या पत्नीने त्यांच्या हातातील फळीने वाहतूक वॉर्डनला मारहाण केली. तसेच, उद्धव याने फिर्यादी यांच्या हाताचा मनगटाचा चावा घेऊन त्यांना जखमी केले, असे पोलीस सचिन पवार यांनी दिलेल्या फिर्यादीत म्हंटले आहे. त्यामुळे त्यांच्यावर सरकारी कामात अडथळा निर्माण केल्याचा गुन्हा दाखल करत उद्धव यांना अटक केली आहे.
दरम्यान, दाम्पत्याकडे असलेली दुचाकीची क्रमांक प्लेट ही दुसरीच आहे.
त्यामुळे पोलिसांना संशय आला आणि त्यांना पकडले आहे. अधिक तपास सुरू आहे.
Join our Whatsapp Group, Telegram, facebook page and Twitter for every update