Pune Crime | पुण्यात प्रेमभंगातून तरूणाची गळफास घेऊन आत्महत्या, तरुणीसह लातूरच्या 5 जणांवर गुन्हा दाखल
पुणे : Pune Crime | तरुणीने प्रेमास नकार देऊन तिच्या नातेवाईकांनी शारीरीक त्रास दिल्याने एका तरुणाने पुण्यातील हॉटेलमध्ये गळफास घेऊन आत्महत्या केली. पंकज श्रीकृष्ण उबाळे (वय २०, रा. वाघाळा, पो़ नागापुरता, परळी वैजनाथ, जि. बीड) असे आत्महत्या केलेल्या तरुणाचे (Pune Crime) नाव आहे.
याप्रकरणी हिंजवडी पोलिसांनी (hinjewadi police) एकनाथ सावंत, सत्यजीत सावंत, उद्धव
सावंत, अनिरुद्ध सावंत (सर्व रा. हेळंब, जि. लातूर) यांच्यासह एका तरुणीवर आत्महत्येस प्रवृत्त केल्याचा गुन्हा दाखल केला आहे. याबाबत पोलिसांनी दिलेल्या माहितीनुसार, पंकज उबाळे याचे 2019 पासून एका तरुणीवर प्रेम होते. याची माहिती तिच्या नातेवाईकांना माहिती झाल्यावर त्यांनी पंकज उबाळे याला मारहाण केली. घरांच्या विरोधामुळे या तरुणीने पंकज याच्याशी संबंध तोडून टाकले. त्यामुळे प्रेमभंग झाल्याने पंकज हा पुण्यातील मारुंजी येथील ओयो फ्लॅगशीप (oyo flagship hotel, hinjewadi, marunji road, pune) हॉटेलमध्ये 28 ऑगस्ट रोजी आला. तेथे त्याने गळफास घेऊन आत्महत्या केली. आत्महत्येपूर्वी पंकज याने आपल्या मामाला व्हाट्सअॅप मेसेज केला. त्यात आपल्या प्रेयसीने आपल्यासोबत प्रेमभंग केला असून तिच्या नातेवाईकांनी शारीरीक त्रास दिल्याने आपण आत्महत्या करीत असल्याचे त्यात म्हटले आहे. पोलीस उपनिरीक्षक एम. बी. गाढवे (Police Sub Inspector M.B. Gadhve) तपास करीत आहेत.
Maharashtra Police | हातभट्टी तस्कराकडून पोलीस कर्मचाऱ्याला जीवे मारण्याचा प्रयत्न