Pune Crime | कुत्रीला टेरेसवर फिरायला नेल्यावर झाडुने मारल्याचा व्हिडिओ ग्रुपवर टाकल्याने कुटुंबाने मारहाण करुन महिलेचा विनयभंग
पुणे : पोलीसनामा ऑनलाइन – Pune Crime | कुत्रीला सोसायटीच्या टेरेसवर फिरायला नेले असताना आरोपींनी तिला झाडुने मारहाण करुन त्याचा व्हिडिओ ग्रुपवर टाकला. याचा जाब विचारण्यासाठी गेलेल्या महिलेला त्याच सोसायटीत राहणार्‍या कुटुंबाने मारहाण करुन तिचा गाऊन फाडून विनयभंग (Molestation Case ) केल्याचा प्रकार समोर आला आहे. (Pune Crime)
याप्रकरणी एका ४० वर्षाच्या महिलेने सिंहगड रोड पोलीस ठाण्यात (Sinhagad Road Police Station) फिर्याद (गु. रजि. नं. २३७/२२) दिली आहे. त्यावरुन पोलिसांनी त्याच सोसायटीतील ५ जणांवर गुन्हा दाखल केला आहे. ही घटना नर्‍हे येथील श्री होम्स सोसायटीत शनिवारी पावणेनऊ वाजता घडली. (Pune Crime)
याबाबत पोलिसांनी दिलेल्या माहितीनुसार, फिर्यादी या कोंढव्यात (Kondhwa) राहतात. त्या आपली कुत्री रेना हिला घेऊन त्यांच्या आईच्या घरी श्री होम्स सोसायटीत गेल्या होत्या. त्यांनी कुत्री रेना हिला सोसायटीच्या टेरेसवर फिरायला नेले होते. सोसायटीतील एका कुटुंबाने टेरेसवर कुत्र्यांना फिरायला घेऊन यायचे नाही असे सांगितले. त्यावरुन त्यांच्यात वाद झाला. तेव्हा त्यांनी कुत्रीला झाडुने मारले. त्याचा व्हिडिओ काढून सोशल मीडियावर टाकला. हा व्हिडिओ पाहिल्यावर फिर्यादी, त्यांचे वडिल व दीर हे याचा जाब विचारण्यासाठी या कुटुंबाच्या घरी गेले. तेव्हा त्यांनी शिवीगाळ करुन धमकी देऊन हाताने, लाथाबुक्क्यांनी, लाकडी दांडक्याने मारहाण केली. त्यांच्यातील एकाने फिर्यादी यांचा गाऊन हाताने फाडून त्यांचा विनयभंग केला. सिंहगड रोड पोलिसांनी गुन्हा दाखल केला असून पोलीस उपनिरीक्षक काळे अधिक तपास करीत आहेत.
Web Title : Pune Crime | Molestation Case Sinhagad Road Police Station And Kondhwa
Join our WhatsApp Group, Telegram, facebook page and Twitter for every update
Gold Silver Price Today | सोन्या-चांदीच्या दरात वाढ की घसरण? जाणून घ्या आजचे ताजे दर
लवकरच निविदा प्रक्रिया राबवून कामाला सुरूवात केली जाईल –
विक्रम कुमार, महापालिका आयुक्त