Pune Crime | चोरीच्या संशयाने मारहाण करुन तरुणाचा खुन, मंचर पोलिसांकडून 4 जणांना अटक

पुणे : Pune Crime | किराणा मालाच्या दुकानात चोरी केल्याचा संशयावरुन क्रिकेटची बॅट व कमरेच्या पट्टयाने केलेल्या मारहाणीत एकाचा मृत्यु झाला. मंचर पोलिसांनी (Manchar Police) खुनाचा गुन्हा दाखल करुन  चौघांना अटक (Pune Crime) केली आहे. विकी गणपत भोसले (वय २४, रा. पाटीलवाडा, मंचर ता. आंबेगाव) असे खुन झालेल्या तरुणाचे नाव आहे.

पोलिसांनी गणेश पांडुरंग बोर्‍हाडे, संतोष सुखदेव जाधव, सार्थक संजय वळसे आणि पिंटु ऊर्फ रवींद्र दौलत थोरात (सर्व रा. मंचर, ता. आंबेगाव) यांना अटक केली  आहे. ही घटना  मंचर येथील मुळेवाडी रोडवर शनिवारी रात्री 8 वाजता घडली.

याप्रकरणी मार्तड ऊर्फ योगेश गणपत भोसले (वय 27, रा. पाटीलवाडा, मंचर, ता. आंबेगाव) यांनी मंचर पोलीस ठाण्यात (Manchar Police Station) फिर्याद दिली आहे. याबाबत मंचर पोलिसांनी दिलेल्या माहितीनुसार, मार्तंड व विकी भोसले हे भाऊ भाऊ आहेत. ते मुळचे जुन्नर तालुक्यातील हिवरे, भोरवाडी येथील राहणारे असून सध्या मंचरला राहतात. जागरण गोंधळ करणे हा त्यांचा पारंपारिक व्यवसाय आहे. गणेश बोर्‍हाडे याचे जय अंबे किराणा दुकान आहे. या दुकानात विकी भोसले याने जून महिन्यात चोरी केल्याचा गणेश याला संशय होता. तेव्हापासून ते विकीचा शोध घेत होते. 14 ऑगस्ट रोजी रात्री मुळेवाडी रोडवर आरोपींना विकी सापडला. त्यांनी त्याला
शिवीगाळ करुन क्रिकेटच्या बॅट व कमरेच्या पट्ट्याने पायावर, पाठीवर, तोंडावर, डोक्यात जबर
(Pune Crime) मारहाण केली. त्यात त्याचा मृत्यु झाला. मंचर पोलीस अधिक तपास करीत आहेत.

हे देखील वाचा

Anti Corruption Trap | स्वातंत्र्यदिनी लाच स्विकारताना महिला ग्रामसेवक ACB च्या जाळ्यात

National Hydrogen Mission | भारतात पाण्यावर चालतील रेल्वे गाड्या आणि कार ! PM नरेंद्र मोदी यांनी केले नॅशनल हायड्रोजन मिशनची घोषणा

PM-Kisan Scheme | जर तुमच्या खात्यात आला नाही 9 वा हप्ता, तर ‘या’ Toll Free नंबरवर करा कॉल; होईल पूर्ण ‘समाधान’

ट्विटर ला देखील फॉलो करा

फेसबुक ला लाईक करा