पुणे : पोलीसनामा ऑनलाईन – Pune Crime News | कात्रज चौकातील रसवंतीगृहाच्या समोरील बाजूला पार्क केलेली गाडी चोरुन नेणाऱ्या सराईत चोरट्याला पकडून त्यांच्याकडून ही मोटारसायकल जप्त केली आहे. (Vehicle Theft Detection)
मिथुन सुगंध लोखंडे Mithun Sugandha Lokhande (वय २२, रा. महात्मा गांधी सोसायटी, सहकारनगर) असे या सराईत चोरट्याचे नाव आहे.
कात्रज येथील रसवंतीगृहासमोर रोडवर यामाहा मोटारसायकल १६ एप्रिल रोजी पार्क केली होती़. ही मोटारसायकल चोरीला गेल्याची फिर्याद भारती विद्यापीठ पोलीस ठाण्यात दाखल झाली. या वाहन चोराचा शोध घेत असताना सीसीटीव्ही फुटेजवरुन ही चोरी मिथुन लोखंडे यानेच केल्याचे निष्पन्न झाले. त्याच्याकडून चोरलेली यामाहा मोटारसायकल जप्त करण्यात आली आहे.
ही कारवाई वरिष्ठ पोलीस निरीक्षक सावळाराम साळगांवकर, पोलीस निरीक्षक (गुन्हे) राहुलकुमार खिलारे, पोलीस उपनिरीक्षक निलेश मोकाशी, पोलीस अंमलदार मितेश चोरमोले, अभिनय चौधरी, सागर बोरगे, महेश बारवकर, मंगेश पवार, सचिन सरपाले, सचिन गाडे, निलेश खैरमोडे, तुकाराम सुतार यांनी केली आहे.
