पुणे : Pune Crime News | पैसे न दिल्याने कचरा उचलला नाही. त्या रागातून एका कुटुंबाने ज्येष्ठ कचरा वेचक महिलेला लाकडी दांडक्याने मारहाण (Beating) केली. तिच्या अंगावर कुत्रा सोडल्याने तो चावला. जिन्यावरुन तिला खाली फरफटत ओढत खाली आणल्याने ही महिला गंभीर जखमी झाली. (Pune Crime News)
याबाबत लक्ष्मी दत्ता गायकवाड (वय ६५, रा. जय भवानीनगर, कोथरुड – Kothrud) यांनी कोथरुड पोलीस स्टेशनमध्ये (Kothrud Police Station) फिर्याद (गु. रजि. नं. १००/२३) दिली आहे. त्यानुसार पोलिसांनी सुप्रिया संजय कांबळे (वय २३, रा. जय भवानी नगर, कोथरुड) व तिचा भाऊ व वडिलांवर गुन्हा दाखल केला आहे. ही घटना २२ एप्रिल रोजी सकाळी ६ वाजता घडली. (Pune Crime News)
कचरावेचक महिलांना कचरा उचलण्यासाठी दर महिना ७० रुपये देणे आवश्यक आहे.
कांबळे यांनी मागील तीन महिने पैसे दिले नाही. त्यामुळे फिर्यादी यांनी त्यांचा कचरा उचलला नाही.
आरोपी सुप्रिया हिने फिर्यादी यांना कचरा का घेतला नाही, अशी विचारणा केली.
तेव्हा पैसे देण्यावरुन त्यांच्यात वाद झाला.
सुप्रिया हिने लाकडी दांडक्याने फिर्यादी यांच्या डोक्यात, पाठीवर मारुन जखमी केले. सुप्रिया हिच्या भावाने कुत्रा अंगावर सोडल्याने तो फिर्यादीला चावून त्या जखमी झाल्या.
सुप्रिया हिच्या वडिलांनी फिर्यादीस जिन्यावरुन खाली फरफटत ओढत आणले.
पोलीस हवालदार शिंदे तपास करत आहेत.
Web Title :- Pune Crime News | Pune Crime News : Kothrud Police Station – A senior garbage collector was beaten up by a dog; Forced to pick up garbage without payment
Join our WhatsApp Group, Telegram, facebook page and Twitter for every update
