Pune Crime News | भांडण मिटवणे महागात पडले, तरुणाला पाईपने बेदम मारहाण; पुण्यातील एफसी रोडवरील घटना
पुणे : पोलीसनामा ऑनलाइन – Pune Crime News | कंपनीच्या मॅनेजर आणि डिलिव्हरी बॉय (Delivery Boy) यांच्यातील वाद मिटवणे एका तरुणाला चांगलेच महागात पडले आहे. वाद मिटवण्यासाठी आलेल्या तरुणाला दोघांनी स्टीलच्या पाईपने डोक्यात मारुन गंभीर जखमी केले. ही घटना एफसी रोडवरील ईट क्लब कंपनीच्या (Eat Club Company) शाखेत 16 नोव्हेंबर रोजी रात्री साडेनऊ वाजता घडली. (Pune Crime News)
याबाबत अजय बब्रुवान शिंदे (वय-23 रा. गणेश मंदिराजवळ, रावेत, पिंपरी-चिंचवड) याने शिवाजीनगर पोलीस ठाण्यात (Shivajinagar Police Station) फिर्य़ाद दिली आहे. यावरून गोपाळ कुमार, कंपनीचा डिलिव्हरी बॉय कुलदिप मोर्या यांच्यावर आयपीसी 324, 504, 34 नुसार गुन्हा दाखल करण्यात आला आहे. (Pune Crime News)
पोलिसांनी दिलेल्या माहितीनुसार, एफसी रोडवरील दिनदयाळ हॉस्पिटलच्या बिल्डिंगमध्ये ईट क्लब या कंपनीची शाखा आहे. शाखेच्या समोरील मोकळ्या जागेत शाखेचे मॅनेजर व डिलिव्हरी बॉय यांच्यामध्ये कामावरुन वाद सुरू होता. हा वाद मिटवण्यासाठी फिर्यादी अजय शिंदे गेले होते. त्यावेळी आरोपींनी अजय शिंदे याला शिवीगाळ करुन स्टीलच्या पाईपने डोक्यात मारहाण करुन गंभीर जखमी केले. याबाबत अजय शिंदे यांनी रविवारी (दि.19) शिवाजीनगर पोलीस ठाण्यात फिर्याद दिली आहे. त्यावरुन दोघांवर गुन्हा दाखल केला आहे. पुढील तपास पोलीस उपनिरीक्षक पानकर (PSI Pankar) करीत आहेत.
Join our WhatsApp Group, Telegram, facebook page and Twitter for every update
हे देखील वाचा
रिक्षाचालकाने रिक्षासह पळून जाताना पोलीस कर्मचाऱ्याला फरफटत नेले
पत्नीबाबत अपशब्द बोलणे भोवले ! नर्‍हेच्या डोंगराजवळ तरुणाचा खून, सराईत गुन्हेगाराला अटक
पिस्टल बाळगणाऱ्या तरुणाला भोसरी पोलिसांकडून अटक
शेतजमिनीच्या वादातून नातेवाईकांनी केली मारहाण, 10 जणांवर FIR; उरुळी कांचन मधील घटना