Pune Cyber Crime | मोबाईलवरुन हॉटेल बुकींग पडले एक लाखाला; दत्तवाडी परिसरातील घटना

पुणे : पोलीसनामा ऑनलाइन – Pune Cyber Crime | कुटुंबासमवेत फिरायला गोव्याला जाण्याचा विचार त्यांनी केला. त्यासाठी हॉटेल बुकींग (Hotel Booking) करण्यासाठी त्यांनी हॉटेल सर्च करुन त्यांच्याशी संपर्क साधला. तेव्हा हॉटेल बुकिंग करण्याचा प्रयत्न त्यांना तब्बल एक लाखाला पडला. सायबर चोरट्यांनी त्यांच्याा खात्यातून ९४ हजार ७०० रुपये काढून घेऊन फसवणूक (Cheating Case) केली. (Pune Cyber Crime)

 

याप्रकरणी पर्वती येथे राहणार्‍या एका ३० वर्षाच्या तरुणाने दत्तवाडी पोलीस ठाण्यात (Dattawadi Police Station) फिर्याद (गु. रजि. नं. २३३/२२) दिली आहे. (Pune Cyber Crime)

 

याबाबत पोलिसांनी दिलेल्या माहितीनुसार, फिर्यादी हे कुटुंबासह गोव्याला फिरायला जाण्याचा बेत आखत होते. त्यासाठी गोव्यातील कॅरावेला बीच रिसॉर्ट हॉटेल (Caravella Beach Resort Hotel) यांनी गुगलवर शोधले. या हॉटेलच्या बुकींगकरीता कॅरावेला बीच रिसॉर्टच्या होम पेजवरील मोबाईल क्रमांकावर फिर्यादी यांनी फोन केला. तो नंबर नेमका सायबर चोरट्यांचा निघाला. त्या फोनवर सक्सेना असे नाव सांगणार्‍याने त्यांना हॉटेल बुकींगसाठी २५ हजार रुपये अकाऊंटवर पाठविण्यास सांगितले. त्यानुसार त्यांनी त्या खात्यावर २५ हजार रुपये पाठविले. त्यानंतर बुकींग रिसीट जनरेट करण्यासाठी गुगल पे ट्रान्झेक्शन (Google Pay Transactions) फिचरचा वापर करुन त्यावर त्यांना रिसीट नं. ३९८५० व २९८५० असे बुकींग आयडी टाकण्यास सांगितले. त्याप्रमाणे त्यांनी केल्यावर त्यांच्या खात्यातून ३९ हजार ८५० रुपये व २९८५० रुपये कट झाले. अशा प्रकारे एकूण ९४ हजार ७०० रुपयांची त्यांची फसवणूक (Fraud Case) झाली असून पोलीस निरीक्षक खोमणे (Police Inspector Khomane) तपास करीत आहेत.

 

Web Title :- Pune Cyber Crime | One lakh hotel bookings from mobile; Incidents in Dattawadi area

 

Join our WhatsApp GroupTelegramfacebook page and Twitter for every update

हे देखील वाचा