पुणे : पोलीसनामा ऑनलाइन – सिट बेल्ट न लावताच चाललेल्या स्कॉर्पीओ चालकावर कारवाई करत असताना चालकाने वाहतुक पोलिसाला धक्काबुक्की केल्याची घटना घडली आहे. याप्रकरणी वाहन चालकाला कोरेगाव पार्क पोलिसांनी अटक केली आहे. ही घटना सोमवारी (दि.18) दुपारी साडे चारच्या सुमरास कोरेगाव पार्क येथील फिलीप्स कंपनीच्या क्वर्टर समोर घडली.
विनीत रविंद्र इंगळे (वय-19 रा. राहुल कालनी, हडपसर) असे अटक करण्यात आलेल्या वाहन चालकाचे नाव आहे. याप्रकरणी कोरेगाव पार्क वाहतुक विभागातील पोलीस नाईक मिनिनाथ भागवत यांनी कोरेगाव पार्क पोलीस ठाण्यात फिर्याद दिली आहे. विनीत इंगळे याच्यावर सरकारी कामात अडथळा निर्माण केल्याचा गुन्हा दाखल करून अटक करण्यात आली आहे.
पोलिसांनी दिलेल्या माहितीनुसार, फिर्यादी हे फिलीप्स कंपनीच्या क्वार्टर समोर कर्तव्य बजावत होते. त्यावेळी आरोपी विनीत इंगळे हा विना सिटबेल्ट गाडी चालवत असल्याचे दिसले. त्यामुळे त्याला गाडी बाजूला घेण्यास सांगितले असता त्याने भागवत यांच्यासोबत हुज्जत घालण्यास सुरुवात केली. तसेच वाहन बाजूला न घेता दमदाटी करण्यास सुरुवात केली. त्याला समजावून सांगत असताना त्याने भागवत यांच्या अंगावर धावुन जात मी 302 केला आहे. तुम्हाला पाहून घेतो असे म्हणत शिवीगाळ करत सरकारी कामात अडथळा निर्माण केला. पुढील तपास सहायक पोलीस निरीक्षक के.एस. लोंढे करीत आहेत.
Visit : Policenama.com
- ‘या’ व्यायाम प्रकाराने लाभते दिर्घायुष्य, जाणून घ्या 5 आरोग्यदायी फायदे
- सतत ‘एनर्जी ड्रिंक’ घेतल्याने कमी होते मेंदूची कार्यक्षमता, ‘या’ 3 गोष्टी लक्षात ठेवा
- हिवाळ्यात ‘हे’ 6 आजार ठरू शकतात त्रासदायक, ‘हे’ उपाय आवश्य करा
- योगासने सुरु करण्यापूर्वी आणि नंतर ‘ही’ काळजी घ्या, लक्षात ठेवा ‘या’ 6 गोष्टी
- ‘हे’ आहेत थंड पाण्याचे 5 दुष्परिणाम आणि गरम पाण्याचे तब्बल 14 फायदे
- गुलाबी थंडीत असे सांभाळा तुमचे आरोग्य, ‘हे’ 7 पदार्थ आवश्य सेवन करा
- वजन घटवण्यासाठी ‘या’ 7 टिप्स, केवळ दररोज चालण्याने जळतील 500 कॅलरीज !