ताज्या बातम्यापुणे

Pune Traffic Change | संत ज्ञानेश्वर महाराज व संत तुकाराम महाराज पालखी सोहळ्यानिमित्त पुणे जिल्ह्यातील वाहतुकीत काहीसा बदल; जाणून घ्या

Pune Traffic Change | pune traffic diversions on wednesday and thursday for palkhi sohala in pune district File Photo

पुणे : पोलीसनामा ऑनलाइन – Pune Traffic Change | श्री संत ज्ञानेश्वर महाराज (Shri Sant Dnyaneshwar Maharaj) व श्री संत तुकाराम महाराज (Shri Sant Tukaram Maharaj) पालखी सोहळ्यानिमित्त पुणे जिल्ह्यातील (Pune Traffic Change) ग्रामीण भागातील वाहतुकीमध्ये बदल केले आहे. त्यामुळे पर्यायी मार्गांचा वापर करावा असं आवाहन पुण्याचे जिल्हाधिकारी डॉ. राजेश देशमुख (Collector Dr. Rajesh Deshmukh) यांनी केले आहेत.

 

संत ज्ञानेश्वर महाराज पालखी सोहळ्यासाठी 24 ते 28 जून रोजी या कालावधीमध्ये आणि श्री संत तुकाराम महाराज पालखी सोहळ्यासाठी 24 जून ते 5 जुलै रोजी या कालावधीमध्ये पालखी मार्गावरील पालखी मुक्कामाच्या गावात सर्व प्रकारच्या वाहनांची वाहतूक बंद ठेवण्याचे निर्देश दिले गेले आहे. त्याचबरोबर या कालावधीसाठी वाहतूक नियमनाचे आदेश जिल्हाधिकारी देशमुख यांनी जारी केले आहेत. (Pune Traffic Change)

 

पुणे जिल्ह्याच्या हद्दीतून संत ज्ञानेश्वर महाराज पालखी पुणे-सासवड-लोणंदमार्गे पंढरपूर अशी जाणार आहे. संत तुकाराम महाराज पालखी पुणे ते सोलापूरमार्गाने रोटी घाटमार्गे बारामती, इंदापूर, अकलूजमार्गे पंढरपूरला जाणार आहे. या दोन्ही पालखी सोहळ्याच्या पार्श्वभूमीवर या मार्गावरील वाहतुकीत बदल केला आहे.

 

संत ज्ञानेश्वर महाराज पालखी मार्गातील वाहतूक बदल –

पुणे ते सासवड (सासवड मुक्काम) –

26 जूनच्या रात्री 8 वाजेपर्यंत पुण्याकडून सासवडकडे दिवे घाट व बोपदेव घाटमार्गे जाणारी वाहतूक पूर्णपणे बंद राहील. ही वाहतूक खडी मशिन चौक-कात्रज-कापुरहोळमार्गे सुरू राहील. सासवड बाजूकडून येणारी सर्व वाहतूक गराडे-खेड शिवापूर मार्गे पुण्याकडे येईल.

 

सासवड ते जेजुरी (जेजुरी मुक्कम); तसेच जेजुरी ते वाल्हे (वाल्हे मुक्काम) –

26 व 27 जून या कालावधीत पुणे येथून सासवड-जेजुरी-वाल्हे-नीराकडे; तसेच नीरा येथून पुण्याकडे जाणाऱ्या वाहनांनी झेंडेवाडी-पारगाव मेमाणे-सुपे-मोरगाव-नीरा या मार्गाचा वापर करावा.

 

वाल्हे ते लोणंद (लोणंद मुक्कम) –

27 जून रोजी रात्री 11 वाजता ते 28 जून रोजी दुपारी 4 वाजेपर्यंत पुणे येथून सासवड-जेजुरी-वाल्हे-नीरेकडे; तसेच नीरा येथून पुण्याकडे जाणाऱ्या वाहनांनी सासवड-जेजुरी-मोरगाव या पर्यायी मार्गाचा वापर करावा.

 

Web Title :- Pune Traffic Change | pune traffic diversions on wednesday and thursday for palkhi sohala in pune district

 

Join our WhatsApp Group, Telegram, facebook page and Twitter for every update

 

हे देखील वाचा