नवी दिल्ली, वृत्तसंस्था : सार्वजनिक क्षेत्रातील पंजाब नॅशनल बँकेने (पीएनबी) कोरोना विषाणूच्या संकटामुळे कर्जाची कमी झालेली मागणी सुधारण्यासाठी विशेष ऑफर आणली आहे. देशातील दुसर्‍या क्रमांकाच्या सरकारी बॅंकेने बुधवारी सुरू झालेल्या ‘फेस्टिव्हल बोनान्झा ऑफर’ अंतर्गत ग्राहकांना विविध प्रकारच्या कर्जावरील प्रोसेसिंग चार्ज न घेण्याची घोषणा केली आहे. वास्तविक, गेल्या काही महिन्यांत व्याजदर खाली आल्यानंतरही बँकेचा क्रेडिट ग्रोथ सामान्य राहिलेला आहे.
कर्जावर डॉक्‍यूमेंटेशन चार्ज देखील आकारला जाणार नाही
पीएनबी ऑफर अंतर्गत हाऊसिंग लोन आणि कार लोन सारख्या काही मोठ्या रिटेल लोन प्रोडक्‍ट्सवर प्रक्रिया शुल्क आणि कागदपत्रांचे शुल्क आकारले जाणार नाही. बँकेने म्हटले आहे की या ऑफरचा लाभ ग्राहक आपल्या 10,897 शाखांमधून किंवा डिजिटल चॅनेलद्वारे घेऊ शकतात. ग्राहकांसाठी ही ऑफर 31 डिसेंबर 2020 पर्यंत चालू राहील. परवडणार्‍या कर्जाची उपलब्धता वाढवण्यासाठी पीएनबीने नवीन ग्राहकांसह टेकओवर लोन्सवर देखील प्रक्रिया शुल्क घटवले आहे.
ऑफर अंतर्गत होम लोन आणि कार लोन होईल स्वस्त
फेस्टिव्हल बोनान्झा ऑफर अंतर्गत आता गृहकर्जे घेणाऱ्या ग्राहकांना कर्जाच्या रकमेचे 0.35 टक्के प्रक्रिया शुल्क भरावे लागणार नाही. तथापि, ही सूट केवळ 15,000 रुपये असेल. या व्यतिरिक्त त्यांना कागदपत्रांचे शुल्कही भरावे लागणार नाही. त्याचबरोबर कार लोन घेणार्‍या ग्राहकांना आता एकूण कर्जाच्या 0.25 टक्के बचत होईल. पीएनबीने माय प्रॉपर्टी लोन किंवा लोन अगेंस्‍ट प्रॉपर्टी घेत असलेल्या ग्राहकांना प्रक्रिया शुल्कामध्ये कर्जाच्या रकमेच्या जास्तीत जास्त 1 लाख रुपयांची सूट देण्याचा निर्णय घेतला आहे.
पीएनबीचे नवीन व्याज दर 1 सप्टेंबरपासून लागू झाले आहेत
पीएनबी सध्या गृह कर्जात 7.10 टक्क्यांच्या दराने व्याज आकारत आहे. त्याचवेळी कार लोनवरील व्याज दर 7.55 टक्के आहे. हे व्याजदर 1 सप्टेंबर 2020 पासून प्रभावी झाले आहेत. बँकेचे म्हणणे आहे की कर्जाची कमी झालेली मागणी आणि ग्राहकांच्या धारणेवर जागतिक महामारीचा परिणाम असूनही पीएनबीला फेस्टिवल सीझनमध्ये ग्राहक खर्चामध्ये वाढ होण्याचा आणि त्याच्या क्रेडिट पोर्टफोलिओमध्ये चांगला परिणाम होण्याचा विश्वास आहे. फेस्टिवल सीझनमध्ये वाढत्या मागणीमुळे अर्थव्यवस्थेतही सुधारणा होण्याची अपेक्षा असल्याचे बँकेचे म्हणणे आहे.