सौदीवरील ड्रोन हल्ल्यावरून पुतीन यांनी इराणला सोबत घेत अमेरिकेची ‘टर’ उडवली

सौदी वर झालेल्या हल्ल्यावरून पुतीन यांना जेव्हा प्रश्न विचारला गेला तेव्हा ते म्हणाले, आम्ही सौदी अरेबियाला मदत करण्यासाठी तयार आहोत परंतु त्यांना समझदारीने निर्णय घ्यावे लागतील. जसं इराणने आमच्याकडून एस-३०० खरेदी केले आणि तुर्की ने आधुनिक एस-४०० एअर डिफेन्स सिस्टम खरेदी करण्याचा निर्णय घेतला आहे. ही सिस्टम सौदी अरेबियाच्या पायाभूत सुविधांचे रक्षण करण्यासाठी पूर्णपणे सक्षम आहे. पुतीन च्या बाजूलाच बसलेले इराण चे राष्ट्रपती हसन रोहानी यांनी पुतीन कडे पाहून स्मितहास्य केले.

इराण हा देश रशियाकडून एस-३०० मिसाईल ऑपरेट करत आहे. तसेच जुलै महिन्यात एस-४०० ला तुर्कीच्या पहिल्या बॅच कडे सोपवले गेले होते. तसेच यमन मध्ये सौदी वर झालेल्या हल्ल्यावरून टीका करताना पुतीन यांनी कुराण चा संदर्भ दिला. पुतीन म्हणाले , कुराण मध्ये केवळ आपल्या लोकांच्या रक्षणासाठी केली गेलेली हिंसा सोडून इतर सर्व प्रकारची हिंसा अमान्य आहे. इराण समर्थित यमनच्या हुती विद्रोहींनी सौदी वरील हल्ल्याची जबाबदारी घेतली आहे. सौदी अरबस्थित एका समुहाने २०१५ मध्ये यमन वर हल्ला केला होता. तेव्हापासून तेथील हुती विद्रोह्यांच्या विरोधात त्यांची लढाई सुरु आहे.