राहुल गांधी हे ‘नर्व्हस’ आणि ‘अपरिपक्व’ व्यक्ती , ओबामांच्या पुस्तकात उल्लेख
नवी दिल्ली : पोलिसनामा ऑनलाईन – अमेरिकेचे माजी राष्ट्राध्यक्ष बराक ओबामा यांची अनेक पुस्तके प्रकाशित झाली आहेत. त्यामध्ये ड्रिम्स फ्रॉम माय फादर, द ऑडेसिटी ऑफ होप आणि चेंज वी कॅन बिलिव्ह इन यांचा समावेश आहे. मात्र त्यांचे अ प्रॉमिस्ड लँड हे नवे पुस्तक सध्या मोठ्या प्रमाणात चर्चेत आले आहे. भारतातही याच पुस्तकावरून चर्चा सुरु असल्याचे पाहायला मिळत आहे कारणही तसच आहे, या पुस्तकात काँग्रेसचे युवानेते राहुल गांधी यांचा उल्लेख नर्व्हस आणि अपरिपक्व व्यक्ती असे म्हंटले आहे. त्याचबरोबर भारताचे माजी पंतप्रधान डॉ. मनमोहन सिंग यांचाही या पुस्तकात ओबामा यांनी उल्लेख केला आहे.
Rahul Gandhi like student 'eager to impress' but lacks aptitude, says Barack Obama in memoir
Read @ANI Story | https://t.co/nmuaNlV8uy pic.twitter.com/2UCa2P2Lbs
— ANI Digital (@ani_digital) November 13, 2020
ओबामा यांनी आपल्या नव्या पुस्तकात काँग्रेसचे माजी अध्यक्ष आणि केरळमधील वायनाड येथील खासदार राहुल गांधी यांच्याबाबत उल्लेख करतान म्हटले आहे की, राहुल गांधी हे एक नर्व्हस आणि अपरिपक्व व्यक्ती आहेत. एखादा विद्यार्थी जसा आपल्या अभ्यास करून शिक्षकांवर प्रभाव पाडण्याचा प्रयत्न करतो. मात्र त्याच्यामध्ये त्या विषयात प्राविण्य मिळवण्याची पात्रता नसते किंवा त्या विषयाबाबत आवडीचा अभाव असतो, तसं त्यांच्याबाबत घडत आहे.
दरम्यान, या पुस्तकात भारताचे माजी पंतप्रधान डॉ. मनमोहन सिंग यांचा अपार निष्ठा बाळगणारी व्यक्ती असा उल्लेख ओबामा यांनी केला आहे. या पुस्तकामध्ये अमेरिकेचे नवनियुक्त राष्ट्राध्यक्ष जो बायडेन यांचाही उल्लेख केला आहे. २०१७ मध्ये बराक ओबामा भारत दौऱ्यावर आले होते. त्यावेळी त्यांची आणि राहुल गांधी यांची भेट झाली होती. भेटीनंतर राहुल गांधी यांनी एक ट्विट केले होते. त्यात ते म्हणाले होते की अमेरिकेचे माजी राष्ट्राध्यक्ष बराक ओबामा यांच्यासोबत उपयुक्त चर्चा झाली. त्यांना पुन्हा एकदा भेटणे हा चांगला अनुभव होता.