नवी दिल्ली : वृत्तसंस्था – मध्यप्रदेशातील मुरैना जिल्ह्यातील एका दूध डेयरीवर छापा टाकल्यानंतर पोलीस देखील हैराण झाले. या छाप्यांमुळे पोलिसांनी या दूध निर्मात्यांची पोलखोल करून हजारो जणांचे प्राण वाचवले आहेत. याठिकाणी केमिकल मिश्रित दूध बनवले जात असल्याची माहिती पोलिसांना मिळाली होती. त्यानंतर पोलिसांनी त्या ठिकाणी धाड टाकून या प्रकरणाची भांडेफोड केली आहे. जिल्हा प्रशासनाने या ठिकाणी धाड टाकल्यानंतर त्यांना ५० लाख रुपये किमतीचे सिंथेटिक दूध, केमिकल, ग्लूकोज पावडर आणि पामतेल जप्त केले आहे.
या ठिकाणी प्रशासनाने धाड टाकताच दूध डेयरीचा संचालक फरार झाला. त्यानंतर पोलिसांनी या संचालकाला आणि लॅब टेक्निशियनला अटक करून न्यायालयात हजर केले असता त्यांना पोलीस कोठडीत पाठवण्यात आले आहे. त्यांनी केमिकलयुक्त दूध निर्माण करत असल्याची कबुली दिली आहे. याठिकाणी धाड टाकल्यानंतर प्रशासनाला या ठिकाणी सिंथेटिक दूध, केमिकल, ग्लूकोज पावडर आणि पामतेलाबरोबरच हायड्रोजन पॅराऑक्साइड, कास्टिक सोडा आणि कपडे धुण्यासाठी वापरला जाणारा शाम्पू देखील मिळाला. मध्यप्रदेशाबरोबरच राजस्थान, उत्तर प्रदेशमधील देखील अनेक जिल्ह्यांत हे भेसळयुक्त दुध विक्रीसाठी पाठवत असल्याची माहिती त्यांनी दिली आहे.
दरम्यान, मुरेनाच्या जिल्हाधिकारी प्रियांका दास यांना मिळालेल्या गुप्त माहितीनुसार हि धाड टाकण्यात आली होती. यावेळी एसटीएफ दल, पोलीस आणि अन्न आणि औषध प्रशासनेचे कर्मचारी देखील कारवाईत सहभागी होते.
- रोगप्रतिकारकशक्ती झटपट वाढवतील ‘हे’ १० साधेसोपे उपाय, जाणून घ्या
- एखाद्या स्त्रिला होणाऱ्या ‘या’ सामान्य समस्यांना आजार समजू नका
- तंदुरुस्त राहण्यासाठी आहारात करा ‘या’ पाच ‘सुपरफूड’चा समावेश
- महिलांकडून होऊ शकतात ‘या’ ९ प्रणय मिस्टेक्स, यामुळे वाढू शकतो दुरावा
- ‘या’ ३ पद्धतीने ७ दिवसात कमी होऊ शकतो फॅट, जाणून घ्या कोणती पद्धत
- मधुमेह रुग्णांसाठी ‘उंटिणीचे’ दूध फायदेशीर ; घ्या जाणून
- नाभीच्या इन्फेक्शनची समस्या दूर करतील ‘हे’ ७ घरगुती उपाय