सांगली : पोलीसनामा ऑनलाईन – आटपाडी तालुक्यातील करगणी येथे स्थानिक गुन्हा अन्वेषण शाखेने जुगार अड्ड्यावर छापा टाकून १५लाख ७६हजार ७२०रुपये किमतीचा मुद्देमाल जप्त केला. जुगार खेळणाऱ्या ११पैकी १० जणांना अटक करण्यात आली आहे.
पोलीस अधीक्षक सुहेल शर्मा यांनी अवैध व्यवसायावर कारवाई करण्याचे आदेश दिले आहेत. त्यानुसार स्थानिक गुन्हा अन्वेषण शाखेचे निरीक्षक श्रीकांत पिंगळे यांनी पथके तयार केली आहेत. त्यांचे एक पथक करगणी परिसरात गस्त घालत होते. त्यांना करगणी परिसरात मोठ्या प्रमाणावर जुगार सुरू असल्याची माहिती खबऱ्याद्वारे मिळाली.
करगणी पासून दोन किलोमीटर अंतरावर कारंडे वस्ती येथील अशोक कोंडीबा सरगर यांच्या घरात जुगार अड्डा सुरू होता. पथकाने या घरावर छापा टाकला असता त्या ठिकाणी तीन पानी पत्त्यांचा जुगार सुरू होता. त्यांनंतर पथकाने छापा टाकल्यावर जुगार खेळणाऱ्या ११ जणांपैकी एक जण पळून जाण्यात यशस्वी झाला तर उर्वरित दहा जणांना पोलिसांनी ताब्यात घेतले आहे.
पोलिसांनी अशोक सरगर, राजेश सूर्यवंशी, मधुकर खिलारी, छगन लांडगे, विजय शिंदे, सर्व रा. करगणी, आनंदा कदम, रा. तडवळे, संतोष गिड्डे, राहणार तडवले, पांडुरंग ढवळे, रा.बनपुरी, राजाराम पुकळे रा. बनपुरी, अण्णा पुकळे रा. आटपाडी यांना ताब्यात घेतले आहे. तर जमीर बादशाह मुल्ला पळून गेला आहे.
पोलिसांनी या ठिकाणाहून पत्त्यांची पाने, रोख रक्कम रुपये १७३७०, विविध कंपन्यांचे आठ मोबाईल, सहा मोटरसायकल, एक कार जप्त केली आहे. निरीक्षक पिंगळे यांच्या मार्गदर्शनाखाली उपनिरीक्षक प्रवीण शिंदे यांच्या पथकाने ही कारवाई केली.
- शरीराला थंडावा देतात ‘हे’ पदार्थ, अवश्य करा यांचे सेवन, जाणून घ्या
- देशातील युवा वर्ग होत आहे ह्रदयविकाराने त्रस्त, अशी घ्या काळजी
- नैसर्गिक सौंदर्यासाठी ‘हे’ फेसपॅक वापरा, निस्तेज, कोरडा चेहरा होईल तजेलदार
- काकडी खाल्ल्याने होतील ‘हे’ चमत्कारिक फायदे, तुम्हाला माहीत नसावेत
- कोणत्या फळात किती पाणी, जाणून घ्या ; वजन कमी करण्यासही फायदेशीर
- २ रुपयांच्‍या तुरटीने संधीवात होतो दूर, जाणून घ्या इतरही अमेझिंग फायदे
- ‘ही’ ५ फळे वेगाने करतात ‘फॅट बर्न’, आजच करा ‘डाएट’मध्‍ये समावेश
- रोज चिमुटभर मिरपुड खाल्ल्याने कमी होईल वजन, होतील ‘हे’ फायदे