सचिन पायलट यांची समजूत काढण्यात काँग्रेस हायकमांड ‘बिझी’, प्रियंका गांधींनी 4 तर अहमद पटेलांनी केला 15 वेळा ‘कॉल’

नवी दिल्ली, वृत्तसंस्था : राजस्थान सरकारमध्ये अजूनही सर्व काही ठीक दिसत नाही. सोमवारी संध्याकाळी राज्याचे मुख्यमंत्री अशोक गहलोत यांनी ज्या पद्धतीने आपल्या आमदारांची कॅमेरासमोर परेड केली, त्याने जरी हे सरकार पूर्णपणे सुरक्षित दिसत असले तरी अजूनही पक्षात सचिन पायलट यांना समजावण्याचे प्रयत्न चालू आहेत. असं म्हटली जात आहे की सचिन पायलटला समजावण्याच्या प्रयत्नात संपूर्ण कॉंग्रेस हाय कमांड व्यस्त आहे, पण पायलट कडून काहीच प्रतिसाद मिळत नाही.

सूत्रांच्या म्हणण्यानुसार सचिन पायलट अशोक गेहलोत यांना मुख्यमंत्री म्हणून स्वीकारण्यास तयार नाहीत. त्यांनी कॉंग्रेस हाय कमांडसमोर आपला मुद्दा सांगितला आहे आणि ते म्हणाले की एकतर ते स्वत: मुख्यमंत्री होतील किंवा तिसऱ्या कुणाला मुख्यमंत्री म्हणून बघायला त्यांना आवडेल. सूत्रांनी दिलेल्या माहितीनुसार, काल संध्याकाळपासून कॉंग्रेसचे अनेक वरिष्ठ नेते सचिन पायलट यांना समजावण्याच्या प्रयत्नात गुंतले आहेत.

असे म्हटले जात आहे की कॉंग्रेसचे माजी अध्यक्ष आणि नेते राहुल गांधी हे सचिन पायलटशी एकदा बोलले आहेत, तर प्रियंका गांधी यांनी आतापर्यंत सचिनशी 4 वेळा बोलणी केली आहे. तसेच अहमद पटेल यांनी 15 वेळा सचिन पायलटला समजावण्याचा प्रयत्न केला आहे, तर पी चिदंबरम जवळजवळ 6 वेळा बोलले आहेत. तसेच वेणुगोपाल सचिनशी 3 वेळा बोलले आहेत.

सूत्रांच्या माहितीनुसार पक्षाला अतिरिक्त किंवा त्यांच्या पसंतीच्या मंत्रालयाची ऑफर देण्यात आली आहे. यावेळी त्यांना आश्वासन देण्यात आले आहे की प्रदेशाध्यक्षपदी तेच कायम राहतील. तथापि, अद्याप पायलट यांनी विचार केलेला दिसत नाही आणि ते बैठकीस येण्याची शक्यता देखील कमी आहे. वेळोवेळी विधिमंडळ पक्षाची बैठक बोलावून पक्ष त्यांना संदेश पाठवित आहे की अद्याप त्यांच्याकडे पक्षात येण्याची वेळ आहे. पक्षातील सूत्रांचे म्हणणे आहे की गांधी परिवाराने सचिनसाठी जितकी लवचिकता दर्शविली आहे तेवढी आजपर्यंत कुणासाठीही दर्शविली नाही.